Yohane 17:25 - Mawu a Mulluku

²⁵ Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.

Yohane 17:25 ပူးပေါင်းရင်းမြစ်များ

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Yohane 17:8

Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.

Yohane 15:21

Nave eneeroweerellani ddittheddenenndda kaambiiwa muri ookithwara vawi khenamudduwella oyo aakirumalle.

Yohane 7:29

Koma miyaano kinnamudduwella kaambiiwa kavenyenre wa olliyoolla nave aakiruma.”

Yohane 16:27

vawi Attiitthaaka weekhiiwa ennuukondani nyuwaano. Ennuukondani kaambiiwa munnakikonda miyaano nave munnakhulupilila wi kavenyenre wa Mulluku.

Aheberi 8:11

Khavipaalleyattho wi muthu amuhuddihe mukhwaaye, apaalle ollota wa mukhwaaye wi, ‘Waadduwelle Apwiya.’ Vawi attheenaayo eneerokidduwella miyaano, waambeella wa mung'onong'ono, ophiyera wa muullupalli.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Yohane 10:15

Emoddamoddave yeeyo Attiitthaaka ennakidduwella nave miyaano kinnaadduwella. Nave kinnapaalla okhwa ekaamba ya enkhosa.

Yohane 8:55

Nave nyuwaano khamunadduwella koma miyaano kinnamudduwella. Nave kallota wi nginamudduwella kinaakhalle awoottha wonanko nyuwaano. Koma miyaano kinnamudduwella nave kinnasunga mawaaye m'murimani mwaka.

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

1 Akorinto 15:34

Muhokollweelle o makhallellwaanyu aphaama nave muhiye ettilla ddanyu ddoochimwa. Kinallota wi kuuwulliheni muru kaambiiwa amodda a nyuwaano khamunamudduwella Mulluku.

1 Akorinto 1:21

Vawi Mulluku mu ezeru ddaye aheeriha wi athu ehimudduwelle olliye voopharihani mutteko ezeru ddiwa. Koma Mulluku aapaalla waavullusa athu ookhulupilila mwa othenga wookarangeya ninallalleyeehu.

Aroma 3:11

khaavo muthu aniiwesesa khaavo muthu anamwaashaasha Mulluku.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Mitteko 17:23

Vawi keetilleemi m'muzindani mwanyummu, koona mapurwaanyu oollapellella, kaaphwanya nikuwa noolembiwa wi, ‘Wa mulluku oohidduwanyeya.’ Vano oyo munamullapelleenyu naari muhimudduwellaka, tti oyo kinamullalleyeemi wa nyuwaano.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Yohane 17:18

Kahaaruma alliwa mu ellapo yavatthi wonankottho mwaakirumalleenyu mu ellapo yavatthi.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Yohane 16:30

Vano ninnadduwella wi munnadduwella ddittheddene nave khamunapaalla wi mmodda uukoheni makoho. Mwa ella ninnakhulupilila wi mwaavenyenre wa Mulluku.”

Yohane 16:3

Athu eneereweera ddeko ddenndda kaambiiwa khanaadduwella Attiitthaaka naari miyaano.

Yohane 8:19

Vano yaamukoha wi, “Attiitthaanyu eri wuuwi?” Yesu ahaakhulla wi, “Khamunakidduwellesesa miyaano naari Attiitthaaka. Mwaakidduwelleseseke miyaano, mwawerewaadduwellattho Attiitthaaka.”

Yohane 6:19

Oohudderaalle yeetihalle ekallawa olendo wookwakhwana makilomita matthanu apaalle matthanu ni nimodda yaamoona Yesu eetaka vamaaddini aatamellaka ekallaweelle, sika yahoova.

Yohane 3:17

Vawi Mulluku khaamurumalle Mwanaye wa ellapo yavatthi wi ayillake koma wi ayivulluse.

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Mateyu 16:16

Simoni Petro ahaakhulla wi, “Nyu tti Mesiya,* Mwaana a Mulluku Ookumi.”

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Yawuupullulla 16:5

Nave kaamwiiwa mungelo oolamulella maaddi allotaka wi, “Echiweruzo mweenreenyu tti yawoona, Aweella nyu, nyuwaano murivo ollello nave mwaarivo khalle!