Yohane 17:21 - Mawu a Mulluku

²¹ Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Yohane 17:21 ပူးပေါင်းရင်းမြစ်များ

1 Akorinto 12:12

Khrisitu ari wonanko mwiilli mmodda, wookhalla ni eziwalo ddinchichi ddoohiyanahiyana. Naari woopiwe ni eziwalo ddinchichi onakhalla mwiilli mmodda.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Yohane 13:35

Mwaakondanaka mmodda ni mukhwaaye, arive muthu aneerodduwella wi nyuwaano tti oohudderaaka.”

Mitteko 4:32

Mulloko wa ookhulupililaayo waari wowiiwanana m'murimani mwiwa mutthemwene ni m'maganizoni mwiwa mutthemwene. Khaarivo oyo allotille wi ello aariiyena tti yaayeyaaye koma yaanakawana attheene ddeko ddittheddene yaariiwana.

Zekariya 14:9

Apwiya eneerokhalla mwene a ellapo yavatthi ettheene. Nllapo nenno Apwiya enaallapelliweke ni odduwelliwa ni athu attheene ni nnddina nimoddave.

Yohane 17:8

Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.

Yohane 10:38

Koma kaarimi keeraka mitteko ddoovenyera wa Attiitthaaka naari muhikikhulupililaka, mukhulupilileke mitteko ddaka wi mudduwelle ni wiiwesesa wi Attiitthaaka eri mwa miyaano nave miyaano kiri mwa Attiitthaaka.”

Yohane 10:30

Miyaano ni Attiitthaaka niri amodda.”

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

Aroma 12:5

Emoddamoddave yeeyo, hiyaano naari naatille niri wonanko mwiilli mmodda mu eyaattano ya Khrisitu nave noollundellellana.

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

1 Yohane 5:7

Sika vookhalla amboni araru, alla tti,

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Yohane 17:25

Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Zefaniya 3:9

“Enthawi yeeyo kineereweelliha eyano dda mitundu ddittheddene dda athu, wi attheene yiithaneke nnddina na Apwiya, yaarumeyelleke nimodda.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Yohane 3:17

Vawi Mulluku khaamurumalle Mwanaye wa ellapo yavatthi wi ayillake koma wi ayivulluse.

Yohane 17:18

Kahaaruma alliwa mu ellapo yavatthi wonankottho mwaakirumalleenyu mu ellapo yavatthi.

Yohane 11:42

Kinnadduwella wi munnakiiwa miyaano mallapo mattheene koma kinallota ella ekaamba ya athwaalla wi ekhulupilile wi mwaakiruma.”

Yohane 17:20

“Nginaavekella yaallave komattho ayo enakikhulupilila miyaano ekaamba ya mawiiwa.

1 Akorinto 6:17

Koma oyo anaattana ni Apwiya anakhalla mmodda ni alliwaayo m'munepani.

1 Yohane 1:3

Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.

Mariko 3:24

Orive omwene wakawaneya va weekhiiwa ni owana, khollekella omalla.

Yohane 13:32

Nave Mulluku aneerotitimihiwa ekaamba ya miyaano, enthawi yeeyo Mulluku aneerokititimiha miyaano.