Yohane 17:19 - Mawu a Mulluku

¹⁹ Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Yohane 17:19 ပူးပေါင်းရင်းမြစ်များ

Aheberi 2:11

Annaweelliha athu o machimwiiwa nave olliye vamodda ni ooweellihiwaayo, Attiitthiiwa tti mmodda. Ella sika ekaambiiwa Yesu ahinawulliweeye muru waaromolla wi tti asinne ni arokoriye.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Yohane 17:17

Weelliheni yaayo oweella mu masiva a yawoona; mawaanyu tti yawoona.

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

1 Atesalonika 4:7

Mulluku khaaniithanne wi neereke ddooraruwa koma ddaweella.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

2 Akorinto 4:15

Ddittheddenendda tti ekaamba ya nyuwaano wi echisomo ya Mulluku yaaphiyere athu anchichi wi vikhalle othokoza wunchichi wi Mulluku atitimihiwe.

Aheberi 9:26

Khrisitu iiheraatthiki mukutho orive muyakha ddaano ahoowaka orive muyakha ovenyera mvo ellapo yavattheella yaphatuselliwiiwa. Koma vano akhwille omoddave waatamella o omamallihello wa ellapo yavatthimva wi iiheraatthi mwaneenaaye mukutho woohuwa machimo.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

Aheberi 9:13

Moollikana ni malamulo a Mose, athu oochimwa kheyaakhullelliwa omullapella Mulluku. Yeeriwa aweella yamiddiwa nikhame na epuri ni na eng'ombe owaaka ntuura na mwaana a eng'ombe yooheraatthiwa mukutho.

Yesaya 62:1

Ekaamba ya Ziyoni ngeera ellapo tuu, ekaamba ya Yerusalemu ngiithuuwa ophiyera echilungamwaaye yooneyille vaweella wonanko owala, ovullusa waye wonanko mutthiko wookhara.

Aheberi 9:18

Nikhame naapharihiwattho mutteko wi echipangano yawaambeelle yaambe ophara mutteko.

Yohane 10:36

Attiitthaaka yaakeelliha nave yaakirumiha mu ellapo yavatthi. Vano munallotella tini wi kinnamullotella epewe Mulluku kaambiiwa kaallota wi miyaano tti Mwaana a Mulluku?

Yeremiya 1:5

“Kihinuuphatuse m'mirimani mwa amaayo kahuudduwella khalleve. Nave ohinayariwe, kahuupatula khalleve, kahuutthoolla wi okhalle namallotella wa athu a mitundu ddittheddene.”

Yohane 15:3

Nyuwaano mookhalla aweella khalle wonanko enthambi yoophadderiwa ekaamba ya mawu kuulleelleemini.

Yohane 15:13

Echikondi yuullupalli eyo muthu anaakhalleeyena tti yoopaalla okhwa wi aavulluse akhwaaye.

Yohane 17:20

“Nginaavekella yaallave komattho ayo enakikhulupilila miyaano ekaamba ya mawiiwa.

2 Akorinto 7:14

Kaamulleella wi kinnuukotellani nave nginawulliwekevo muru ekaamba ya nyuwaano. Naanuulleellani ddawoona enthawi ddittheddene navettho mwa emoddamoddave yeeyo okotella wahu mwanyuwaano wa Tito wahooniha wi tti wawoona.

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

1 Yohane 3:3

Arive muthu anatiyera yeella mwa Khrisitu anaddeelliha yeekhaaye wonanko mmo Khrisitu ariiye aweella.

1 Yohane 3:18

Anaaka, echikondaahu ehikhalleke ya mawuve ni ddoollotave koma enaphwanella ekhalleke echikondi yawoona, eyo enooneya ni ddaweereya.

Numeri 7:15

Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.