Yohane 17:13 - Mawu a Mulluku

¹³ Vano kinimawa wa nyuwaano nave kinallota ddeko ddenndda kiri mu ellapo yavatthi wi ehakallallwaaka eddalle m'murimani mwiwa muttheene.

Yohane 17:13 ပူးပေါင်းရင်းမြစ်များ

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Yohane 15:11

“Killotille nndda ni nyuwaano wi kuukawelleni ohakallalla waka ni wi nyuwaano muhakallalle ni murimaanyu muttheene.

Yohane 3:29

Ootthelliwa mwaneena tti ootthella. Koma mukhwaaye a ootthellooyo aniimella vakhuviru ni omwiiwellella moohakallalla. Nave anahakallalla iiwa mawu a ootthella. Sika emoddamoddave yeeyo koohakallalla ni murimaaka muttheene.

1 Yohane 1:4

Ninalemba yeella wi nihakallalle ni murimaahu muttheene.

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

2 Yohane 1:12

Kookhalla ni ddeko ddinchichi ddawi kuulleelleni koma nginapaalla oddilemba mu kalata yoolla. Koma kinatiyera owa wa nyuwaano wi nikambirane vamiitthoni ni vamiitthoni wi nihakallalle wunchichi.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Masalimo 126:5

Athu ayo enamidda yinllaka, eneerohata ehakallallaka.

Masalimo 43:4

Vano kineerooya o nikuwa na Mulluku, wa Mulluku oyo anakivaha ohakallalla wavaddullu, kineerewuutitimihani ni gitala, nyu Mullukwaaka, nyu Mullukwaaka.

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Mitteko 13:52

Ookhulupilila a mu Antiyokeya yaaddalliwa ni ehakallallo owaaka Munepa Waweella.

Yohane 7:33

Yesu aallota wi, “Kinaakhalle ni nyuwaano o enthawi yooyeva nave vano kineerohokollweella wa yooyo aakirumalle.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.