Yohane 17:12 - Mawu a Mulluku

¹² Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.

Yohane 17:12 ပူးပေါင်းရင်းမြစ်များ

Yohane 18:9

Aallota ddenndda wi mawu aallotilleeye ekwakhwanelle awi, “Mwa ayo mwaakivahilleenyu khaavo mmodda akirimeellevo.”

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

Mitteko 1:25

wi akhalle oorumeyellaanyu ni murummwaanyu ovollowa munipuroni mwa Yudasi oyo akhwille moollikana ni mmo aphwanenlleeye.”

2 Atesalonika 2:3

Muhaakhullelle wi muthu mmodda awoottottheni mu erive ettilla. Vawi nllapo nenno nihinaphiye, onaakhalle omuwukila Mulluku navettho muthu Oonanaroolle aneerewuupulluwa, oyo anoonongiwe.

Aheberi 2:13

Aallotattho wi, “Kineeromuroromella Mulluku.” Nave allotattho wi, “Ngoonani, kiri mva vamodda ni anamwani kavahiweemi ni Mulluku.”

Masalimo 41:9

Naarittho mukhwaaka a vamurimani, oyo kamuroromelleemi, oyo kacheemina, ookiwukila.

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Afilipi 2:9

Ekaamba ya yeella Mulluku aamutitimiha wunchichi amuvaha nnddina nno ninakhwaranya nirive nnddina.

Yawuupullulla 19:12

Miitthwaaye yaari wonanko mallumi amunllo nave aawara akorona* anchichi omuruni waye. Nnddina naye naalembiwa va olliye nave khaavo adduwenlle ottaphullella wiwa koma yeekhaayeve.