Yohane 17:11 - Mawu a Mulluku

¹¹ Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Yohane 17:11 ပူးပေါင်းရင်းမြစ်များ

Mateyu 6:9

Vano muvekelleke mwawi ddiidda, Attiitthiihu ooddullu, nnddina nanyu naweella nititimihiwe,

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

Aefeso 4:4

Vookhalla mwiilli mmodda ni Munepa mmodda, wonankottho mmo mwavaheriweenyu otiyera omodda mvo Mulluku aawiithanilleeyeni.

Afilipi 2:9

Ekaamba ya yeella Mulluku aamutitimiha wunchichi amuvaha nnddina nno ninakhwaranya nirive nnddina.

Yohane 17:25

Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Mitteko 3:21

Anaphwanella wi akhalle oddullu ophiyera ekwakhwanihiwe enthawi yoopotokosa ddeko ddittheddene wi ddikhalle ddanaanweene moollikana ni ddallotille Mulluku oweella mwa anamallotella aweella murima ayo yaariwo mallapo akhalle.

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

Yesaya 64:2

wonanko mmo munllo onashellihelliiwa nihaka navettho wonanko mmo onaviddullelliiwa maaddi wi adanaanyu yuudduwelleni nave wi athu a mitundu ddimodda etthukumelle vamiitthoni vanyu.

Masalimo 79:9

Nyu Mulluku oonivullusaahu, nikavihereni wi nnddina nanyu nititimiheye. Nivulluseni nave nikhululukelleni machimwaahu wi nnddina nanyu niriiheye.

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

Aroma 12:5

Emoddamoddave yeeyo, hiyaano naari naatille niri wonanko mwiilli mmodda mu eyaattano ya Khrisitu nave noollundellellana.

Aroma 9:17

Vawi mawu a Mulluku wa Farao eni, “Kahuuvaha omwene wi koonihe masivaaka navettho kivuwihe epillaaka oweella mwa weyaano mu ellapo yavatthi ettheene.”

Yohane 16:28

Kaavenyera wa Attiitthaaka oya mu ellapo yavatthi nave vano kinimavenyamo mu ellapo yavatthi ohokollweella wa Attiitthaaka.”

Yohane 7:33

Yesu aallota wi, “Kinaakhalle ni nyuwaano o enthawi yooyeva nave vano kineerohokollweella wa yooyo aakirumalle.

Mateyu 10:16

“Kinuurumihani wonanko enkhosa variyari va enama ddawoopiha. Vano muchenjereke wonanko enowa nave mumaalleyeke wonanko ekhunda.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Ezekiele 20:44

Vano nyu a mu nibanja na Israele, muneerodduwella wi mi tti Apwiya kaweerellani ddaphaama ohikhalla moollikana ni ettilla ddanyu ddoonanara ni ddaweera ddanyu ddookhoromana wi nnddina naka nititimiheye. Mi Apwiya Mulluku koollota.’ ”

Ezekiele 20:22

Koma ngeerille wi nnddina naka nihivevuwe variyari va athu a mitundu ddimodda ayo yakoonille kaakhumihaka Aisraelaayo mu Iguputo.

Ezekiele 20:9

Koma ngaaweerille ddennddo wi nnddina naka nihivevuwe variyari va mitundu ddimodda nnddo ddakhalla nimodda ni Aisraele. Vallethi kaari koonihalle masivaaka vamiitthoni va mitundunnddo vawaalleellani Aisraele wi eneerokhuma mu ellapo ya Iguputo.

Yeremiya 14:21

Muhinitathille ekaamba ya nnddina nanyu, Muhivevulle mpandwaanyu woomwene ni wantitimiho. Upuwellani echipanganwaanyu ni hiyaano nave muhiyitathille.

Yeremiya 14:7

Athwaaka eninllella wa miyaano wi, “Nyu Apwiya, mweerevo ello ekaamba ya nnddina nanyu naari machimwaahu enihumullullaka aneeniihu, ohiroromelleya wahu tti wuullupalli, ddawoona, nohuuchimwellani.

Yesaya 27:3

“Mi Apwiya sika mulonda a emateeyo, enthawi ddittheddene kinnayihellella. Kinnayiwehera otthaana ni mahiiyu wi ahikhallevo ooyoononga.

Yawuupullulla 19:12

Miitthwaaye yaari wonanko mallumi amunllo nave aawara akorona* anchichi omuruni waye. Nnddina naye naalembiwa va olliye nave khaavo adduwenlle ottaphullella wiwa koma yeekhaayeve.

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

1 Yohane 3:12

Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.