Yohane 17:10 - Mawu a Mulluku

¹⁰ Nave ddaaka ddittheddene tti ddaanyu nave ddaanyu ddittheddene tti ddaaka nave ntitimiho naka ninnooneya ekaamba ya alliwaayo.

Yohane 17:10 ပူးပေါင်းရင်းမြစ်များ

Yohane 10:30

Miyaano ni Attiitthaaka niri amodda.”

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

2 Atesalonika 1:10

va nllapo anaweeye wi aakhelle ntitimiho ovenyera wa athwaaye aweella ni oriiheya ovenyera wa attheene enakhulupilila. Nyuwaano muneerokhallattho ni yaayo kaambiiwa mookhulupilila othenga olle nuulleelleeyeni.

Akolose 2:9

Vawi makhallello mattheene a Mulluku enakhalla mwa mwiilli wa Khrisitu,

2 Atesalonika 1:12

wi nnddina na Apwiihu Yesu nititimihiwe mwa nyuwaano ni nyuwaano mwa alliwaayo moollikana ni echisomo ya Mullukwaahu ni ya Apwiya Yesu Khrisitu.

Afilipi 1:20

Ni murimaaka muttheene kinnatiyera nave kinnapaalla wi miyaano kihilephele muttekwaaka muttheene. Koma enthawi ettheene, makamaka vano kikhalle oollipa murima wi kimutitimihe Khrisitu ni mwiillaaka muttheene naari kikhwille apaalle kiri mukumi.

Mitteko 19:17

Ayuda attheene ni athu ayo ehiri Ayuda ayo yakhalla o Efeso yahiiwa ddenndda. Nave attheene yahoova nave nnddina na Apwiya Yesu naariihiwa wuullupalli.

Yohane 11:4

Yesu iiwalleeye aallota wi, “Ovoriiwanko khori wookhwana koma tti ekaamba ya ntitimiho na Mulluku wi miyaano Mwaana a Mulluku kititimihiwena.”

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Agalatiya 1:24

Nave yaamutitimiha Mulluku ekaamba ya miyaano.

Yohane 12:23

Nave Yesu ahaakhulla wi, “Enthawi yoophiya vano yawi mi Mwaana a Muthu kititimihiwe.”