Yohane 17:1 - Mawu a Mulluku

¹ Yesu amanlleeye ollota nndda aaweha oddullu allota wi, “Attiitthaaka, enthawi yoophiya. Kititimiheni miyaano Mwaninyu wi nameenettho kuutitimiheni nyuwaano.

Yohane 17:1 ပူးပေါင်းရင်းမြစ်များ

Yohane 12:23

Nave Yesu ahaakhulla wi, “Enthawi yoophiya vano yawi mi Mwaana a Muthu kititimihiwe.”

Mitteko 3:13

Mulluku a Abrahamu, Mulluku a Isaki ni Mulluku a Yakobo, Mulluku a makhollwaahu, aamutitimiha Oorumeyellaaye, Yesu, voomuchirihani muthoolla. Koma Yesu yoolla mwaamuvelleella wa oolamulella navettho mwaamukhoota vamiitthoni va Pilato naari Pilato apaallille wi amuttaphulle.

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

Yohane 11:4

Yesu iiwalleeye aallota wi, “Ovoriiwanko khori wookhwana koma tti ekaamba ya ntitimiho na Mulluku wi miyaano Mwaana a Mulluku kititimihiwena.”

Mariko 14:41

Awiilleeye waneeraru, aallota waalliwa wi, “Munimakona ni wiithuuwa? Ddookwakhwanella! Enthawi yookwakhwana yawi mi, Mwaana a Muthu, kivelleelliwe wa athu oochimwa.

Masalimo 123:1

Kinnatukhulla miitthwaaka oweha wa nyuwaano, nyu munakhalla va mpando woomwene oddullu.

Yohane 11:41

Sika yaavenyihavo nllukunne. Nave Yesu aaweha oddullu allota wi, “Attiitthaaka, kinnuuthokozani wi munnakiiwellella miyaano.

Yohane 8:20

Yesu aallotille nndda ahuddiheeye mu enyumba ya Mulluku vakhuviru ni moosungellamo ddoovelleella. Nave khaavo muthu amphanre kaambiiwa enthawaaye yaari ehinaphiye.

Yohane 7:30

Vano athu amodda yaapaalla omphara koma khaavo aworille weere ello va olliye kaambiiwa enthawaaye yaari ehinaphiye.

Yohane 16:32

Enthawi enimawa nave yoophiya khalle eyo munaapallallesiweenyu, arive muthu owaniwa nave munaakihiye meekhaaka. Koma nginakhalla meekhaaka kaambiiwa Attiitthaaka eri ni miyaano.

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Luka 22:53

Nllapo ni nllapo kaanakhalla ni nyuwaano mu enyumba ya Mulluku koma khamwaakimakille. Olla sika mpataanyu vawi munalamulelliwa ni masiva a epiphi.”

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Yesaya 38:14

Kaaninlla wonanko neenkhaare oopaneya, kaaniipullella wonanko ekhunda yookhupanya. Miitthwaaka yaatopa ni oweha oddullu. Nyu Apwiya, kinnahoosiwa, waawoni mukaakihe.