Yohane 16:32 - Mawu a Mulluku

³² Enthawi enimawa nave yoophiya khalle eyo munaapallallesiweenyu, arive muthu owaniwa nave munaakihiye meekhaaka. Koma nginakhalla meekhaaka kaambiiwa Attiitthaaka eri ni miyaano.

Yohane 16:32 ပူးပေါင်းရင်းမြစ်များ

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Mateyu 26:31

Vano Yesu aallota wi, “Nyu attheene muneerothawa okihiya meekhaaka mahiiyu yaalla vawi woolembiwa wi, ‘Mukakathe mbusa nave enkhosa dda mulloko ddineeropallalleya.’

Yohane 8:29

Nave oyo aakirumalle miyaano ari ni miyaano, khaakihiyalle meekhaaka kaambiiwa kinneera ddennddove ddinamuhakallalliha olliye.”

Yohane 8:16

Koma kaarimi keeruzaka, echiweruzwaaka tti yawoona kaambiiwa khe miyaano meekhaaka kineeruza koma miyaano ni Attiitthaaka ayo yaakirumalle.

Mariko 14:27

Vano Yesu aallota wi, “Nyu attheene muneerothawa okihiya meekhaaka vawi woolembiwa wi, ‘Mukakathe mbusa nave enkhosa dda mulloko ddineeropallalleya.’

Mateyu 26:56

Koma ddittheddenenndda ddoheereya wi yaalembille anamallotella, ddikwakhwanelle.” Vano oohuddera attheene yaamuhiya ethawa.

Yohane 20:10

Vano oohudderaalle yaarowa owaniwa.

Yohane 16:25

“Kohuulleellani ddeko ddenndda mu maphwanaphwaniho. Koma enthawi enimawa yawi ngillota ni nyuwaano mu maphwanaphwaniho koma kinaallote mwawiiweya dda Attiitthaaka.

Yohane 16:2

Khamwaakhullelliwa ovollowa mu enyumba ddamavekello* nave enthawi eneerophiya yawi arive muthu oyo anaawiipheni nyuwaano anaaganizekeeye wi anamurumeyella Mulluku.

Yohane 4:23

Nave enthawi enimawa nave yoophiya khalle yawi oollapella mwawoona eneerewaallapella Attiitthiiwa moohoollelliwa ni Munepa Waweella ni mwawoona vawi Attiitthinnya enaapaalla athu awi ddiidda ekhalle oomullapella.

Yohane 4:21

Yesu aallota wi, “Moowe Kiiwellelleni, enthawi eneerokwakhwana yawi athu khewa yaallapella Attiitthiiwa naari vamwaangonoolla apaalle o Yerusalemu.

Yohane 12:23

Nave Yesu ahaakhulla wi, “Enthawi yoophiya vano yawi mi Mwaana a Muthu kititimihiwe.”

Yohane 5:28

Muhittikhine ni ddenndda, enthawi enimawa yawi ookhwa attheene eneerewiiwa okhuwa waka.

Yohane 5:25

Ddawoona, kinimuulleellani wi, enthawi enimawa nave yoophiya khalle yawi athu ookhwa mu munepa eneerewiiwa okhuwa wa miyaano Mwaana a Mulluku nave ayo eniiwe ni wiiwellella eneerokhalla ni okumi.

Mariko 14:50

Vano oohudderaaye attheene yaamuhiya ethawa.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Yohane 16:31

Yesu ahaakoha wi, “Munnakhulupilila vano?”

Yohane 19:27

Nave aamulleella oohudderoolle wi, “Ngoona, alla tti amaayo.” Nave ovenyera enthawi yeeyo oohudderoolle ahaakusa wi yakhalleke owaniwa.

Mitteko 21:6

Vano naallaanyana, niwella ekallawa nave alliwa yaahokollweella owaniwa.