Yohane 16:28 - Mawu a Mulluku

²⁸ Kaavenyera wa Attiitthaaka oya mu ellapo yavatthi nave vano kinimavenyamo mu ellapo yavatthi ohokollweella wa Attiitthaaka.”

Yohane 16:28 ပူးပေါင်းရင်းမြစ်များ

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

Yohane 8:14

Yesu ahaakhulla wi, “Naari kiivelleellellaka omboni meekhaaka, ombonaaka tti woororomelleya kaambiiwa kinnadduwella nko kinavenyereemi ni nko kinayeemi.

Yohane 16:5

Koma vano kinaya wa oyo aakirumalle miyaano nave khaavo mmodda a nyuwaano anakikoha wi, ‘Munaya wuuwi?’

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Yohane 16:16

“Vavira enthawi yooyeva khamuwa mukoona miyaano koma vavira enthawi emodda yooyeva muneerokoonattho.”

Yohane 14:28

Mwaakiiwa killotaka wa nyuwaano wi, ‘Kinimarowa nave kineerohokollowa wa nyuwaano.’ Mwaakikondilleke, mwaawerohakallalla wi kinaya wa Attiitthaaka vawi Attiitthaakaayo tti uullupalli ohiyana ni miyaano.

Luka 24:51

Aadalisalleeye, ahaahiya, awellihiwa oya oddullu.

Yohane 17:13

Vano kinimawa wa nyuwaano nave kinallota ddeko ddenndda kiri mu ellapo yavatthi wi ehakallallwaaka eddalle m'murimani mwiwa muttheene.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Luka 9:51

Mallapo yaatamelliiwa awi Yesu awellihiwe aye oddullu, aaganizera wi aye o Yerusalemu.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

Yohane 16:10

Alliwaayo tti oolakwa va dda echilungamo kaambiiwa kinaya wa Attiitthaaka nave khamuwa mukoona.

Yohane 16:30

Vano ninnadduwella wi munnadduwella ddittheddene nave khamunapaalla wi mmodda uukoheni makoho. Mwa ella ninnakhulupilila wi mwaavenyenre wa Mulluku.”