Yohane 16:26 - Mawu a Mulluku

²⁶ Nllapo nenno naphiya, muneerewaaveka Attiitthaaka mu nnddina naka. Nave khokhalla woopaalleya wi kuuvekellekeni wa Attiitthaaka,

Yohane 16:26 ပူးပေါင်းရင်းမြစ်များ

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Yohane 17:9

“Mi kinnaavekella yaayo. Nginaavekella athu a ellapo yavatthi koma ayo mwaakivahilleenyu miyaano kaambiiwa eri aanyu.

Yohane 16:23

“Nllapo nenno naphiya khamukivekattho erive ello. Ddawoona, kinimuulleellani wi mwaveka erive ello wa Attiitthaaka mu nnddina naka, eneerewuuvahani.

Yohane 14:16

Miyaano kineerewaaveka Attiitthaaka nave eneerewuuvahani nyuwaano Ookavihera mmodda oyo anaakhalle ni nyuwaano wa enthawi yoohimalla.

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Yohane 16:19

Yesu aadduwella wi yapaalla wi emukohe, sika ahaakoha wi, “Ella sika mwakohaneenyu mmodda ni mukhwaaye wi kaallota wi ‘Vavira enthawi yooyeva khamuwa mukoona miyaano koma yavira enthawi emodda yooyeva muneerokoonattho?’

Yohane 16:30

Vano ninnadduwella wi munnadduwella ddittheddene nave khamunapaalla wi mmodda uukoheni makoho. Mwa ella ninnakhulupilila wi mwaavenyenre wa Mulluku.”