Yohane 16:23 - Mawu a Mulluku

²³ “Nllapo nenno naphiya khamukivekattho erive ello. Ddawoona, kinimuulleellani wi mwaveka erive ello wa Attiitthaaka mu nnddina naka, eneerewuuvahani.

Yohane 16:23 ပူးပေါင်းရင်းမြစ်များ

Yohane 15:7

Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

Mateyu 21:22

Mwakhalla ni echikhulupililo, muneerewaakhella erive ello munavekeenyu mu nivekello.”

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Mateyu 7:7

“Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

Yohane 16:26

Nllapo nenno naphiya, muneerewaaveka Attiitthaaka mu nnddina naka. Nave khokhalla woopaalleya wi kuuvekellekeni wa Attiitthaaka,

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Aefeso 2:18

Vawi oweella mwa Khrisitu hiyaano attheene, Ayuda ni athu ayo ehiri Ayuda ninnawora owa wa Attiitthiihu mu Munepa Waweella mmoddamoddave.

1 Yohane 2:1

Kinuulembellani nyuwaano, anaaka wi muhichimweke. Koma mmodda achimwa, nookhalla ni oonipepesella wa Attiitthiihu, sika Yesu Khrisitu, oolungama.

Yohane 14:5

Tomasi aallota ni olliyooyo wi, “Apwiya, khannadduwella nko munayeenyu. Vano ninaadduwelle mwawiidde ettilla yoophiyera wenko?”

Yohane 16:19

Yesu aadduwella wi yapaalla wi emukohe, sika ahaakoha wi, “Ella sika mwakohaneenyu mmodda ni mukhwaaye wi kaallota wi ‘Vavira enthawi yooyeva khamuwa mukoona miyaano koma yavira enthawi emodda yooyeva muneerokoonattho?’

Yohane 16:30

Vano ninnadduwella wi munnadduwella ddittheddene nave khamunapaalla wi mmodda uukoheni makoho. Mwa ella ninnakhulupilila wi mwaavenyenre wa Mulluku.”

Yohane 14:22

Yudasi (ohiri Yudasi Isikariyoti) aallota wi, “Apwiya kaambiiwa tini mudduupullulleenyu wa hiyaano nave ohiri wa athu a ellapo yavatthi?”