Yohane 16:14 - Mawu a Mulluku

¹⁴ Aneerokititimiha miyaano kaambiiwa anaakuse nnddo kinalloteemi nave aneerekewuulleellani nyuwaano.

Yohane 16:14 ပူးပေါင်းရင်းမြစ်များ

Yohane 15:26

“Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Agalatiya 5:5

Nave hiyaano, otiyera wahu tti wawi Mulluku anilungamihe wa olliye nave ella sika ninatiyereehu mwamasiva a Munepa a Mulluku oyo onaphara mutteko oyeella mu echikhulupilwaahu.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

1 Akorinto 12:3

Kinapaalla mudduwelle wi khaavo oyo anahoollelliwa ni Munepa a Mulluku anawora ollota wi, “Yesu tti ootembeleliwa!” Nave khaavo oyo anawora ollota wi, “Yesu tti Apwiya,” ahihoollelliwe ni Munepa Waweella.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

1 Yohane 5:6

Yesu Khrisitu sika aawiille ni maaddi a obatizwaaye ni nikhame na okhwa waye. Khaawiille ni maaddive koma ni maaddi ni nikhame. Nave Munepa Waweella yeekhaaye annavelleella omboni wi nndda tti ddawoona kaambiiwa Munepooyo tti awoona.

1 Yohane 3:23

Eyo analamuleeye tti yawi nimukhulupilileke Mwanaye Yesu Khrisitu nave nikondaneke, wonanko mmo aanilamulalleeyettho.

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

1 Petro 2:7

Nlluku nenna tti noopaalleya wunchichi wa nyuwaano ookhulupilila koma wa nyuwaano oohikhulupilila, “Nlluku nno nakhootiwe ni oomaka enyumba nenna naakhalla nlluku noopaalleya.”

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yohane 14:21

“Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”