Yohane 15:8 - Mawu a Mulluku

⁸ Mwaawimmaka ezipaso ddinchichi wooniha wi nyuwaano tti oohudderaaka Attiitthaaka eneerotitimihiwa.

Yohane 15:8 ပူးပေါင်းရင်းမြစ်များ

Yohane 8:31

Vano Yesu aallota ni Ayuda alle yaakhulupilila mwa olliye wi, “Mwaasungaka mawaaka m'murimani mwanyu ndithu nyuwaano tti oohudderaakathi

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Yohane 15:5

“Mi tti muteekho wa mpesa nave nyuwaano sika enthambi. Ayo enakhalla mwa miyaano nave miyaano mwa alliwa oneerewimma ezipaso vawi khamuwora weera ello kaahikhallavo miyaano.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

Yohane 13:35

Mwaakondanaka mmodda ni mukhwaaye, arive muthu aneerodduwella wi nyuwaano tti oohudderaaka.”

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

1 Akorinto 6:20

Mwaakulliwa nave aallivella, sika pharihani miilli ddanyu wi mumutitimihe Mulluku.

Luka 6:35

Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

Hagai 1:8

Wellani omwaangoni, mwakakathe muteekho, mukimakelle enyumba yooreera wi kihakallallena ni waakhellamo ntitimiho. Mi Apwiya koollota.”

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

Tito 2:10

apaalle owiiyera. Koma enapaalleya yooniheke wi tti aphaama ni oororomelleya wi yariihe ehuddiho ya Mulluku oovullusaahu mu erive ello.

Tito 2:5

wi ekhalleke awiihiiha ni aweella, oowehera nibanja niwa phaama ni owaavaha olemu amamuniwa wi ahikhallevo oonyaambusa mawu a Mulluku.

Mateyu 5:44

Koma miyaano vano kinimuulleellani wi, mwaakondeke adanaanyu nave mwaavekellelleke ayo enuuhoosani,

Mateyu 9:8

Athu yoonilliiwa yeella, yahoova wunchichi emutitimiha Mulluku, ekaamba yowaavaha athu olamulello yoolla.