Yohane 15:6 - Mawu a Mulluku

⁶ Muthu aahikhalla mwa miyaano annavokhiwa vaatte wonanko enthambi yawumma. Nave enthambi ddennddo ddinnatthukumanihiwa ddivokhelliwa vamunlloni ddisha.

Yohane 15:6 ပူးပေါင်းရင်းမြစ်များ

Mateyu 7:19

Vano orive muteekho woohimma ezipaso ddaphaama, oneerewuuhiwa navettho oneerovokhiwa viikho.

Yohane 15:2

Alliwa ennuuha erive enthambi ya miyaano ehinimma ezipaso nave ennaphaddera erive enthambi eyo eniimma ezipaso wi yimme ezipaso ddawaata.

Mateyu 13:41

Miyaano Mwaana a Muthu kineerewaarumiha angelwaaka wi yaakhumihe mu omwenaaka athu oowaachimwiha akhwiiwa ni attheene aweera ddeko ddoonanara.

Mateyu 3:10

Kottokwa ari khalle vatthi va orive muteekho wi yuuhe woohimma ezipaso ddaphaama wi ovokhelliwe viikho.

2 Petro 2:20

Athu ayo yathawille khalle ddeko ddoonanara dda va ellapo yavattheella oweella mu waadduwella wiwa Apwiya ni Oovullusaahu Yesu Khrisitu, vano yaphariwattho nave enalamulelliwa ni ddeko ddoonanaranndda, ennakhalla oonanaresesa ohiyana ni vawaamba.

Aheberi 10:27

Kheyiivo emodda ehanlle koma otiyerella mwawoova echiweruzo ni munllo wawoopiha oyo onaawononge oovaanyihana ni Mulluku.

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

Ezekiele 17:9

“Wallote wi Apwiya Mulluku enakoha wi, ‘Ethiyo mpesa yoolla oneerewunnuwa phaama? Ethiyo mpungoolle khotulla misisi ni okhaddulla enthambi ddiwa wi makattha enyaalle? Khopaalla masiva manchichi apaalle athu anchichi wi otulliwe?

Yesaya 14:19

Koma weyaano wootathillelliwa otte wa mahamaawo wonanko enthambi yawunta ni yoonanara. Mutembwaawo woovuhellelleya ni awiiphiwa ayo yahomiwe ni nsupada evokhiwa mu nlliti namalluku nave oneerokhalla wonanko mutembo woonyingallelliwa.

Masalimo 80:15

muteekho oyo nyuwaano mwanlleenyu ni nnattanatta nanyu, oyo mwawunnuwihalleenyu moollipa.

Yobu 15:30

Olliye khawora oyithawa epiphi, anaakhalle wonanko enthambi ddoosha ni munllo, muteekho oyo malluwiiwa enavakaresiwa ni ephevo.

Mateyu 27:5

Yudasi aavokhella vatthi makobiraalle va enyumba ya Mulluku avenyavo aya iimakellella.

Yesaya 27:10

Muzinda wamipanda wootthattuwa ntepe, nipuro noohiyiwa ni nootiwalliwa wonanko echipululu. Wenko eziweto ddinnachawo enthambi dda miteekho ni wiithuuwawo.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

2 Samuele 23:7

Koma ennaddikakatha ni nsupada enaddihella munllo.”