Yohane 15:5 - Mawu a Mulluku

⁵ “Mi tti muteekho wa mpesa nave nyuwaano sika enthambi. Ayo enakhalla mwa miyaano nave miyaano mwa alliwa oneerewimma ezipaso vawi khamuwora weera ello kaahikhallavo miyaano.

Yohane 15:5 ပူးပေါင်းရင်းမြစ်များ

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Miyambo 11:30

Echipaso ya echilungamo tti muteekho wa okumi nave awaakopa athu tti eezeru.

2 Akorinto 13:8

Vawi khaniwora weera ddennddo koma ddennddove ddinakavihera yawooneeyo.

Yohane 5:19

Yesu awaakhulla alliwaayo wi, “Ddawoona, kinimuulleellani wi, miyaano Mwaana ngiwora weera ddeko mwa meekhaaka koma kineera yeeyo kinooneemi Attiitthaaka yeeraka. Nnddo eneeriiwa, emoddamoddave yeeyo miyaano kinneerattho ddennddo.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

Yohane 12:24

Ddawoona, kinimuulleellani wi, mmiddo wa tirigu waahimora muthayani, okhwa, yooyo onakhalla va weekhiiwa. Koma wakhwa onimma ezipaso ddinchichi.

Aroma 7:4

Emoddamoddave yeeyottho nyuwaano, asinnaka ni arokoraka, malamulo khennattho masiva va nyuwaano. Muri wonanko ookhwa o masivaayo, ekaamba ya okhwa wa Khrisitu. Vano moopataana ni mmodda oyo aavenyihiwe wa ookhwa wi nimurumeyelle Mulluku.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Yohane 9:33

Muthu yoolla aariki oohivenyera wa Mulluku khaawore weera ello yeella.”

Afilipi 4:17

Khehiyo wi kinapaalla waakhella emphasove koma kinapaalla wi koone mwaakhellaka madaliso ekaamba ya ovaha wanyu.

Aroma 6:22

Koma vano moottaphulliwa o machimo nave nyuwaano tti akaporo a Mulluku. Yoophuravwaanyu tti okumi waweella oyo onawuhoollelleni o okumi woohimalla.

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

1 Akorinto 12:12

Khrisitu ari wonanko mwiilli mmodda, wookhalla ni eziwalo ddinchichi ddoohiyanahiyana. Naari woopiwe ni eziwalo ddinchichi onakhalla mwiilli mmodda.

1 Petro 2:4

Waani wa Apwiya, nlluku nookumi nno naakhootiwe ni athu wonanko noohikhalla ni mutteko koma naatthoolliwa ni Mulluku wonanko nookhalla ni mutteko.

1 Akorinto 12:27

Attheenenyu tti mwiilli wa Khrisitu nave arive muthu tti echiwalo ya mwiillooyo.

Aefeso 5:9

vawi owala sika oneeriha ddaphaama, echilungamo ni yawoona.

2 Akorinto 9:10

Nave Mulluku oyo anavaha mmiddo wi omiddiwe ni yoocha wi echiwe, aneerewuuvahanittho mmiddo muttheene munapaalleenyu nave aneerewunnuwiha ni wimmiha ddoohata ddinchichi ekaamba ya woollowa matta wanyunko.

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

Aroma 12:5

Emoddamoddave yeeyo, hiyaano naari naatille niri wonanko mwiilli mmodda mu eyaattano ya Khrisitu nave noollundellellana.

1 Akorinto 10:16

Kapu oyo ninaamuphariheehu mutteko va mugonelo wa Apwiya navettho oyo nnamuthokozereehuna Mulluku, naawiryellaka yeeyo ninnaattana mu nikhame na Khrisitu. Nave buledi ninamumeyameyeehu, namucha yooyo, ninnaattana mu mwiilli wa Khrisitu.

Hoseya 4:8

Ennaphwanyavo eyuuma yinchichi va ochimwa wa athwaaka nave ennapaalla wi athu echimwekeve.

Mateyu 13:21

Koma enakhalla wonanko ddoomella ddoohikhalla ni misisi nnddo ddihinallekella onyaalla. Vawi ddookatamiha ni ddoohoosa ddawa kaambiiwa enakhulupilila othengooyo, ennahiya enthawi yeeyo.