Yohane 15:27 - Mawu a Mulluku

²⁷ Nave nyuwaano muneerovelleellattho omboni dda miyaano vawi mwaari ni miyaano ovenyera kaambeelleemi muttekwaaka.

Yohane 15:27 ပူးပေါင်းရင်းမြစ်များ

1 Yohane 4:14

Nave nohoona nave vano niri amboni wi Attiitthiihu yaamurumiha Mwaniwa wi akhalle Oovullusa a ellapo yavatthi.

Yohane 21:24

Yoolla tti oohuddera oyo avelleelle omboni dda ddenndda nave aalemba ddeko ddenndda. Nave ninnadduwella wi ombonaaye tti wawoona.

Luka 24:48

Nyuwaano sika amboni a ddeko ddenndda.

Mitteko 23:11

Mahiiyu yaayo Apwiya yahiimella vaari Paulo ellota wi, “Ohoove! Woovelleella omboni dda miyaano o Yerusalemu wuno nave onaphwanella weerettho ddiidda o Roma.”

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

Mitteko 4:20

Vawi khaniwora ohiya ollota dda ello noonilleehu ni wiiwa weekhiihu.”

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

Yawuupullulla 1:2

nave Yohane ootthopoolla ddittheddene oonilleeye. Olla sika ombonaaye woollota dda mawu a Mulluku navettho omboni wa dda Yesu Khrisitu.

Mitteko 18:5

Sila ni Timoteo yaphiyalliiwa ovenyera o Masedoniya, Paulo aari aviheeriwalle ni ollalleya mawu, owoonihella Ayuda wi Yesu sika Mesiya.*

Mitteko 13:31

Nave wa mallapo manchichi ahooneya wa ayo yamuthwanre ovenyera o Galileya oya o Yerusalemu. Vano alliwaayo tti amboni wa athu a o Israele.

Mitteko 4:33

Amurummwaayo yaavelleella omboni mwamasiva muullupalli dda ovenya wa ookhwa wa Apwiya Yesu nave Mulluku aaweerella echifundo yuullupalli.

Yohane 19:35

Oyo oonille sika mboni nave ombonaaye ori wawoona. Nave yoolla annadduwella wi anallota ddawoona wi nyuwaanottho mukhulupilile.

Mitteko 3:15

Nave mwaamwiipha oyo aari oovaha okumi koma Mulluku aamuvenyiha wa ookhwa nave hiyaano tti amboni a ddenndda.

Mariko 1:1

Nngu sika waambeya wa othenga waphaama woollota dda Yesu Khrisitu, Mwaana a Mulluku.