Yohane 15:26 - Mawu a Mulluku

²⁶ “Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

Yohane 15:26 ပူးပေါင်းရင်းမြစ်များ

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Mitteko 5:32

Hiyaano tti amboni a ddeko ddenndda vamodda ni Munepa Waweella, oyo Mulluku aavahilleeye ayo enamwiiwellella olliye.”

Mitteko 15:8

Nave Mulluku oyo anadduwella mirima dda athu attheene, tti mboni wi alliwattho tti oophwanella okhulupilila vawaavahani Munepa Waweella wonanko mmo anivahelleeye hiyaano.

Luka 24:49

Nave kineerewuurumihellani yalonjeziwe khalle ni Attiitthaaka. Nave mutiyereke m'muzindanimmu ophiyera mwaakhenlle masiva oovenyera oddullu.”

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Aheberi 2:4

Enthawi yeeyo Mulluku aheera omboni vaweerani ezizindikiro, masiva ni ddoottikhiniha ddoohiyanahiyana navettho vawaavahani emphaso dda Munepa Waweella moollikana ni opaalla waye.

1 Akorinto 1:6

Ekaamba yawi othenga woollota dda Khrisitu wookeraattheya mwa nyuwaano.

Yohane 16:7

Ddawoona, kinimuulleellani wi tti waphaama wa nyuwaano wi miyaano kinimarowa. Vawi kaahirowa Ookavihera khawa wa nyuwaano. Koma miyaano karowa, kineeromurumiha wa nyuwaano.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

Mitteko 1:4

Yaariiwana nimodda, Yesu ahaalamulella wi, “Muhivenyewo o Yerusalemu koma mutiyere ophiyera mwaakhenlle emphaso ya Attiitthaaka kalonjezilleemiille.