Yohane 15:24 - Mawu a Mulluku

²⁴ Kaheerilleke mitteko nnddo mmodda aheerilleeye wa alliwaayo vano kheyaakhalle ni mullatu woochimwana. Koma yahoona nnddo keerilleemi naari yakiitalle miyaano ni Attiitthaaka.

Yohane 15:24 ပူးပေါင်းရင်းမြစ်များ

Yohane 14:9

Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Yohane 10:37

Kaaheeraka mitteko ddoovenyera wa Attiitthaaka, muhikikhullupilile.

Yohane 10:32

Yesu ahaakoha wi, “Koowoonihani mitteko ddaphaama ddinchichi ddoovenyera wa Attiitthaaka, mwa mitteko ddenndda ttuuvi munapaalleenyu okivokhella malluku?”

Yohane 9:32

Waambeella ephatuwello ya a ellapo yavatthi khaddiniiweyeke wi muthu mmodda oomooniha muthu oohoona eyariwellwaaye.

Yohane 7:31

Nave anchichi yaamukhulupilila ellota wi, “Ethiyo Mesiya ninamutiyerehooyo, aneereweera ddoottikhiniha ddinchichi omukhwaranya muthu yoolla?”

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Mateyu 9:33

Nave munepa woonanarooyo okhumihiwe, enthawi yeeyo muthooyo ahaamba ollota nave arive muthu aattikhina. Yaakhuwa wi, “Khaninoone ddeko ddawi ddiidda mu Israelemmu waambeella khalle!”

Deuteronomo 5:9

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

2 Timoteo 3:4

Enaakhallettho oohiroromelleya, oohoova erive ello, awiitukhulla, ookonda minkhella dda vatthimva ohikhalla oomukonda Mulluku.

Aroma 1:30

Ennaallotella akhwiiwa ddoonanara, ennamwiita Mulluku, ollotellana epewe, ennakota ni wiitukhulla. Enaganizera ettilla ddinchichi ddaweerella ddoonanara, khenawiiwellella makhollwiiwa,

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Yohane 12:45

Nave oyo anakoona miyaano, anamoona oyo aakirumalle.

Yohane 6:36

Vano kahuulleellani wi mookoona miyaano koma khamunakikhulupilila.

Luka 24:19

Yesu ahaakoha wi, “Ddawiidde?” Yahaakhulla wi, “Ddeko ddeereyille wa Yesu a o Nazareti. Muthu yoolla aari namallotella nave mitteko ddaye ni mawaaye ddaari ddamasiva vamiitthoni va Mulluku ni athu attheene.

Mariko 2:12

Attheenaayo yoonaka, muthooyo aavenya nave enthawi yeeyo aakusa machiraaye, akhuma vaatte. Athu attheene yaattikhina emutitimiha Mulluku, ellotaka wi, “Ddeko ddenndda khaninaddooneke waambeella khalle!”

Mateyu 21:32

Vawi Yohane Oobatiza awa wa nyuwaano aawoonihani ettilla ya echilungamo yoopaalleya wi mukuse koma khamwaakhulupililalle koma ookhomiha misonkho ni atthiyana ooraruwa yaamukhulupilila. Koma naari nyuwaano moonilleenyu ddenndda khamwaarukunuwalle murima vatulli viwa wi mumukhulupilile.”

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Miyambo 8:36

Koma oohikiphwanya aniivoreya yeekha, attheene ookiita ennakonda okhwa.”

Masalimo 81:15

Athu ayo eniitana ni Apwiya, yeerowarama vamiitthoni viwa, otulliiwa weerokhallawo wa enthawi yoohimalla.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Yohane 12:10

Sika allupa mukutho uullupalli yahiiwanana wi yamwiiphettho Lazaro.

Yohane 9:41

Yesu ahaakhulla wi, “Mwakhanlleke oohoona, khamwaakhalle ni mullatu ekaamba ya machimo. Koma vano kaambiiwa munallota wi munnoona, mullatwaanyu wookhallavove.”

Yohane 15:21

Nave eneeroweerellani ddittheddenenndda kaambiiwa muri ookithwara vawi khenamudduwella oyo aakirumalle.

Yohane 15:22

Kaari kihiwe ni ollota ni alliwa, kheyaakhallena millatu. Koma vano khenna ello yookhootella machimwiiwa.

Yohane 15:23

Oyo anakiita miyaano, annawiitattho Attiitthaaka.

Yohane 16:9

Alliwaayo tti oolakwa va machimo kaambiiwa khenakikhulupilila miyaano.