Yohane 15:22 - Mawu a Mulluku

²² Kaari kihiwe ni ollota ni alliwa, kheyaakhallena millatu. Koma vano khenna ello yookhootella machimwiiwa.

Yohane 15:22 ပူးပေါင်းရင်းမြစ်များ

Yohane 9:41

Yesu ahaakhulla wi, “Mwakhanlleke oohoona, khamwaakhalle ni mullatu ekaamba ya machimo. Koma vano kaambiiwa munallota wi munnoona, mullatwaanyu wookhallavove.”

Yakobo 4:17

Muthu anadduwella yaphaama yawi eere koma aheera, yooyo tti oochimwa.

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Aroma 1:20

Waambeella enthaweeyo Mulluku aphatuseeye ellapo yavatthi, makhallellwaaye oohooneya, ayo tti, masivaaye oohimalla ni omullukwaaye, oohooniwa. Yaalla enadduwanyeya oweella mwa ddeko ddoophatusiwa ni Mulluku. Sika athu yaalla khenna mawu oothawella!

Yohane 12:48

Oyo anakikhoota miyaano ahinaakhella mawaaka ookhalla ni oomweeruza. Mawu killonteemaalla eneerokhalla aweeruzaaye va nllapo noomallihella!

1 Petro 2:16

Mukhalleke athu oottaphulliwa, muhiphariheke ottaphuwa wonngu wi mukhuwekena erive yoonanara nave mukhalleke wonanko akaporo a Mulluku.

Aroma 2:1

Vano nyuwaano munaweeruza amodda, ethiyo munaddeesa wi nyuwaano ttaani! Khamunna mawu oothawellavo vawi mwaaweeruzaka athu amodda koma nyuwaano muneerattho ddeko ddimoddave ddennddo eneeriiwa, munaddiipa mullatu nyookha.

Luka 12:46

vano apwinnya a mullupa muttekoolle eneerophiya va nllapo nno ahinamutiyereeye ni va enthawi eyo ahinadduwelleeye. Apwinnyaalle eneeromuphaddaphadda nave eneeromullaka wonanko athu oohikhulupilila.

Ezekiele 2:5

Yiiwellella apaalle yakhoota (vawi tti athu oowukila) eneerodduwella wi namallotella oophiya variyari viwa.

Yohane 19:11

Yesu ahaakhulla wi, “Khamwaakhallena olamulello va miyaano mwahivahiweke ni Mulluku. Sika muthu oyo akivelleelle wa nyuwaano ookhalla ni machimo muullupalli ohiyana ni nyuwaano.”

Yohane 15:23

Oyo anakiita miyaano, annawiitattho Attiitthaaka.

Yohane 15:24

Kaheerilleke mitteko nnddo mmodda aheerilleeye wa alliwaayo vano kheyaakhalle ni mullatu woochimwana. Koma yahoona nnddo keerilleemi naari yakiitalle miyaano ni Attiitthaaka.

Yohane 16:9

Alliwaayo tti oolakwa va machimo kaambiiwa khenakikhulupilila miyaano.