Yohane 15:20 - Mawu a Mulluku

²⁰ Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

Yohane 15:20 ပူးပေါင်းရင်းမြစ်များ

2 Timoteo 3:12

Nave attheene ayo enapaalla okhalla mu okumi woomullapella Mulluku mwa eyaattano ni Khrisitu Yesu eneerohoosiwa.

Yohane 13:16

Ddawoona, kinimuulleellani wi kaporo khanaakhwaranya apwinnya nave oorumiwa khanaakhwaranya oyo anamuruma.

Mateyu 10:24

“Oohuddera khanamukhwaranya muhuddihaaye nave kaporo khanaakhwaranya apwinnya.

Ezekiele 3:7

Koma Aisraele khewa ewiiwella kaambiiwa khenapaalla okiiwella. Attheenaayo tti a awuumiha murima ni oohiiwellella.

2 Akorinto 4:9

Ninnahoosiwa koma oohitathilliwa ni Mulluku. Nave naari ninnavoreyiwa, khaninoonongeya.

1 Akorinto 4:12

Ninnaphara mutteko ni mattaahu. Naatembeleliwaka, ninnadalisa. Naahoosiwaka, ninnavillella.

Yohane 8:51

Ddawoona, kinimuulleellani wi, oyo anasunga mawaaka m'murimani mwaye khawa akhwa.”

Luka 6:40

Oohuddera khanamukhwaranya muhuddihaaye koma ahuddera amalliha, annaphwanaphwana ni muhuddihooyo.”

1 Atesalonika 2:15

Ayudaayo sika yawiiphalle Apwiya Yesu ni anamallotella nave yaanihoosattho hiyaano. Khenamuhakallalliha Mulluku navettho enniitana ni athu attheene.

Yohane 10:31

Ayudaayo wiillittho yaatota malluku wi emuvokhe wi emwiiphe.

Yohane 11:57

Vano allupa mukutho uullupalli ni Afarisi yaalamula wi muthu mmodda adduwella nko ariiyewo, aalleelle wi yammake.

Yohane 8:59

Vano yaatota malluku wi emuvokhe Yesu. Koma Yesu ahiipittha yeekhaaye nave akhumamo mu enyumba ya Mullukweelle.

Yohane 7:32

Afarisi* yiiwalliiwa athu enong'onaka dda Yesu m'mullokoni mulle, alliwaayo ni allupa mukutho uullupalli yahaaruma akhoto a o enyumba ya Mulluku wi yammake.

Yohane 5:16

Sika Ayuda yahaamba omuhoosa Yesu kaambiiwa aachiriha nllapo na Sabata.

Luka 2:34

Vano Simiyoni ahaadalisa nave allota wa Mariya amennyaayo wi, “Mwaanoolla ootthoolliwa ni Mulluku wi akhalle ollakiwa ni ovullusiwa wa athu anchichi a o Israele. Aneerokhalla echizindikiro yoovenyera wa Mulluku, eyo athu anchichi eneeriiwa yiitanena.

1 Samuele 8:7

Apwiya yaallota ni Samuele wi, “Wiiwellelle ddittheddene nnddo athwaayo enuulleelliiwa. Khenuukhoota weyaano koma miyaano. Khenapaalla wi kikhalle mweniiwa.

Yohane 8:52

Ayudaalle yaallota wi, “Vano noodduwella wi mookhalla ni munepa woonanara. Abrahamu aakhwa nave anamallotella yaakhwa. Sika nyuwaano munihina, ‘Muthu anasunga mawaaka m'murimani mwaye khawa akhwa.’

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Mariko 10:39

Yahaakhulla wi, “Nineerowora.” Yesu aallota wi, “Ddawoona muneeromuwiryella kapu kinaamuwiryelleemi ni obatiziwa wonanko miyaano.