Yohane 15:16 - Mawu a Mulluku

¹⁶ Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Yohane 15:16 ပူးပေါင်းရင်းမြစ်များ

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Luka 6:13

Wasilliiwa, aawiithana oohudderaaye nave aatthoollavo khumi ni eelli, ayo aaromonlleeye wi amurummwa.

Agalatiya 1:15

Koma Mulluku mu echisomwaaye aakitthoolla naari kaari kihinayariwe nave aakiithana wi kimurumeyelle. Nave enthawi eyo Mulluku apanlleeye,

1 Yohane 4:19

Ninnakonda kaambiiwa Mulluku aari awaamba onikonda.

Mitteko 22:14

Aallota wi, ‘Mulluku a makhollwaahu ohuutthoolla weyaano wi odduwelle opaalla waye ni wi omoone a echilungamoolle ni wi wiiwe mawaaye.

2 Timoteo 2:2

Vano nnddo wiiwalleewe wa miyaano vamiitthoni va amboni anchichi, waalleellettho ddennddo athu oororomelleya ayo enaawore waahuddihattho amodda.

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Yohane 6:70

Yesu ahaakhulla wi, “Kahuutthoollani nyuwaano khumi ni eelli, khe ddiiddo? Koma mmodda a nyuwaano tti Satana!”

1 Petro 3:15

Koma mumuvaheke olemu Khrisitu m'mirimani mwanyu nave mumutitimiheke wonanko Apwiya. Enthawi ddittheddene mukhalleke ookhozeka omwaakhulla arive muthu anuukohani wi mutthopoolle otiyerella wa echikhulupililwaanyu.

Masalimo 71:18

Nyu Mulluku, muhikihiye meekha, naari kuulluvanlle, kiri ni embwi ophiyera killalleyille dda masivaanyu ni dda ekophollo ddanyu wa mibado ddamuhoollo.

1 Yohane 4:10

Ella sika echikondi! Ohiri wi naamukonda Mulluku koma wi olliye sika anikondille hiyaano nave aamurumiha Mwanaye wi machimwaahu ekhululukiwe mwa olliyooyo.

Miyambo 11:30

Echipaso ya echilungamo tti muteekho wa okumi nave awaakopa athu tti eezeru.

Mitteko 1:24

Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

Yesaya 27:6

Mallapo enawaayo Yakobo aneerotthipella misisi, Israele aneerophuwa ni ottaphulla malluwa. Ellapo ettheene yavatthi eneeroddalla ni ezipaso ddaye.

1 Petro 3:2

kaambiiwa enaawoone makhallellwaanyu oolemu ni aweella.

Aroma 15:4

Nave mawu a Mulluku mattheene yaalembiwe khalle enanihuddiha hiyaano. Mawaayo ennanillipiha murima ni onikhalliha oovillella wi nikhalle ootiyera.

Mitteko 9:15

Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

Mateyu 21:22

Mwakhalla ni echikhulupililo, muneerewaakhella erive ello munavekeenyu mu nivekello.”

Masalimo 145:4

Mbado oneerotitimiha mitteko ddanyu wa mbado mmodda, oneerollalleya ddaweera ddanyu ddamasiva.

2 Timoteo 1:11

Mulluku ookitthoolla miyaano okhalla murummwa, muhuddihi ni oollalleya othenga waphaama.

1 Akorinto 10:11

Ddeko ddittheddenenndda ddaaweereyella wi ekhalle echisanzo wa alliwaayo nave ddaalembiwa wi ddikhalle ddoonichenjeza hiyaano. Vawi ninakhalla va enthawi yawaatamella emallihello.

Aroma 9:21

Awoopa mino ookhalla ni olamulello woophariha mutteko olloko mmo anapaallelleeye nave woopa mino miilli ovenyera va olloko omodda yooyo; mmodda woopharihiwa mutteko wa shisha nave mmodda woopharihiwa mutteko va nllapo noopaalleya.

Yakobo 3:18

Nave echipaso ya echilungamo ennamiddiwa mwamurendelle wi yaapindulelle ayo eneera murendelle.

Aheberi 11:4

Ekaamba ya echikhulupililo, Abele aaheraatthi mukutho waphaama wa Mulluku ohiyana ni wa Kaini, sika ahaakhullelliwa wi tti oolungama. Mulluku mwaneenaaye aahakallalla ni mukuthwaaye. Naari akhwille, echikhulupililwaaye tti omboni wa hiyaano.

Tito 1:5

Kahuuhiya o Krete wi otthopoolle ddeko ddennddo ddihinatthopoowe ni wi waatthoolle attekweene a mpingo* mu erive etawoni wonanko mmo kuulamulalleemi wi

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

Aroma 1:5

Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.

Mitteko 10:41

ohiri wa athu attheene koma wa amboni yaayove yatthoolliwe khalle ni Mulluku, sika vano tti hiyaano nachille ni owirya ni olliye avenyille wa ookhwa.

1 Timoteo 2:7

Ella sika ekaambiiwa katthoollelliweemi okhalla oollalleyaaye ni murummwa oowahuddiha athu ayo ehiri Ayuda mawu a echikhulupililo yawoona. Nginoottha, kinallota ddawoona.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Genesis 18:18

Edduullu ddaye ddinaakhalle mutundu muullupalli wa masiva. Nave mitundu ddittheddene dda va ellapo yavatthi ddineerodalisiwa oyeella mwa olliye.

Aroma 1:13

Asinnaka ni arokoraka, kinapaalla mudduwelle wi enthawi ddinchichi kaapaalla owa wa nyuwaano koma yookhallavo emoddeene yakilepheliha owa. Vawi kinapaalla kiweerihe athu variyari va nyuwaano wi ekhulupilile wonanko mmo keerelleemi wa athu amodda ayo ehiri Ayuda.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mateyu 7:7

“Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

Yohane 15:5

“Mi tti muteekho wa mpesa nave nyuwaano sika enthambi. Ayo enakhalla mwa miyaano nave miyaano mwa alliwa oneerewimma ezipaso vawi khamuwora weera ello kaahikhallavo miyaano.