Yohane 15:14 - Mawu a Mulluku

¹⁴ Nyuwaano tti akhwaaka mweera kinuulamuleemini.

Yohane 15:14 ပူးပေါင်းရင်းမြစ်များ

Mateyu 12:50

Oyo aneera ddoopaalla dda Attiitthaaka ooddullu sika mwanamunnaka, murokoraka ni amoowaaka.”

1 Yohane 5:3

Vawi omukonda Mulluku onattaphullella wiiwellella malamulwaaye. Nave malamulwaaye khehiyo ookatamiha,

Yakobo 2:23

Nave mawu a Mulluku yaakwakhwana awi, “Abrahamu aamukhulupilila Mulluku nave ekaamba ya echikhulupilwaaye, Mulluku aamwaakhullella wi tti oolungama.” Sika Abrahamu aheeriwa mukhwaaye a Mulluku.

Yohane 14:21

“Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”

Yohane 14:15

“Mwaakikondaka miyaano muneerothwara malamulwaaka.

Luka 12:4

“Kinimuulleellani, akhwaaka wi muhinawoovaka ayo eniipha mwiillive oohikhallattho ni yaweera yookhwaranya vaavo.

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Yesaya 41:8

Koma we Israele oorumiwaaka, we Yakobo ootthoolliwaaka tti edduullu ya Abrahamu mukhwaaka.

Yohane 2:5

Amennya a Yesu yahaalleella oorumeyella a okwati wi, “Erive ello eyo mwanaka aneereeye uulamuleni wi mweere, erani.”

Yohane 14:28

Mwaakiiwa killotaka wa nyuwaano wi, ‘Kinimarowa nave kineerohokollowa wa nyuwaano.’ Mwaakikondilleke, mwaawerohakallalla wi kinaya wa Attiitthaaka vawi Attiitthaakaayo tti uullupalli ohiyana ni miyaano.

2 Epilli 20:7

Nyu Mullukwaahu, ethiyo khemwaawiikanre aneetthi amwiillaponimmu ehinaphiyemo Aisraele athwaanyu nave muyivaha wa edduullu dda Abrahamu mukhwiinyu wa enthawi yoohimalla?

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Miyambo 18:24

Awaattana ni anchichi annaddoononga koma vookhalla waattana waamodda nko onakhwaranya wa muthu ni mwanamunne.

Eksodo 7:6

Nave Mose ni Aroni yaheera nnddo Apwiya yaalamulalliiwa.

Rute 3:6

Sika Rute aayaawo onipuroni naye noomuuputhella wulle nave aheera moollikana ni mmo akogwawaayaalle yamulleellelliiwa.

1 Mamwene 4:5

Azariya mwaana a Natani aari muullupalli a athu oolamulella ezigawo. Zabudu mwaana a Natani aari mullupa mukutho ni mulangizi a mwene Solomoni.

2 Mamwene 18:6

Olliye aawanddeellella wa Apwiya. Khaahiyalle waathwara Apwiya nave aanasunga malamulo ayo yamuvahilliiwa Mose.

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.

Ezekiele 12:7

Kaheera moollikana ni mmo yakilleellelliiwa. Kaamukhumiha katundwaaka otthaana kimumaka wonanko ooyaana wuukaporoni. Misikuwa kaaphovolla esiri ni matta. Waripiiwa kaamutukhulla katundwaaka vanthurini kikhumana alliwa ekoonaka.