Yohane 14:27 - Mawu a Mulluku

²⁷ “Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Yohane 14:27 ပူးပေါင်းရင်းမြစ်များ

Afilipi 4:7

Vano murendelle wa Mulluku, wookhwaranya mmo athu eniiweseselliiwa, oneereweeriha mirima ddanyu ni maganizwaanyu ohikhupanya ekaamba ya Khrisitu Yesu.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

2 Atesalonika 3:16

Ninaaveka Apwiya amurendelle yuuvaheni murendellooyo enthawi ddittheddene ni mutthemwene. Apwiya ekhalle ni nyuwaano attheene.

Akolose 3:15

Murendelle oyo Khrisitu anavaheeye wuuhoollellekeni m'murimani mwanyu vawi Mulluku awiithanani wi mukhalle nimodda mu murendelle yoolla vawi muri mwiilli mmodda. Nave muthokozeke.

2 Timoteo 1:7

Vawi Mulluku khaanivahille munepa wawoova koma munepa wa masiva, echikondi ni wiihiiha.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Numeri 6:26

“Apwiya ewooneni nave yuuvaheni murendelle.”

Aroma 8:6

Weetihiwa ni omuthu omallihella wene tti okhwa koma weetihiwa ni Munepa omallihella wene tti okumi ni murendelle.

Yeremiya 1:8

Ohiwoove athwaayo vawi kiri ni weyaano wi kuuvulluse. Mi Apwiya koollota.”

Agalatiya 1:3

Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Masalimo 29:11

Apwiya ennaavaha masiva athwiiwa, ennaadalisa ni murendelle.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Yohane 14:1

Yesu ahaalleella oohudderaaye wi, “Muhikhupanyeke, mukhulupilileni Mulluku, kikhullupililenittho miyaano.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Masalimo 112:7

Khanoova epilli yoonanara, murimaaye khonasintheya, annaaroromella Apwiya.

Aroma 5:10

Naari adani a Mulluku koma nahaattanihiwa ni Mullukooyo oweella mu okhwa wa mwanaye. Sika vawi hiyaano nahaattanihiwa ni Mulluku, ndithu, okumi wa Khristu oneeronivullusa.

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

Masalimo 56:11

Kinnamuroromella Mulluku moohoova. Ethiyo muthu ttuukeerella tini?

Masalimo 91:5

Khawoovaka ddawoopiha dda mahiiyu ni mipaamba dda otthaana,

Akolose 1:20

Oweella mwa Mwaanooyo, Mulluku aheeriha ddeko ddittheddene wi ddaattanihiwe ni olliye. Mulluku aawaana murendelle oweella mu nikhame na Mwanaye vamutandani wi ddeko ddittheddene ddaattanihiwe ni olliye, vatthimva ni oddullu wene.

Aroma 1:7

Nave vano kinalembella wa nyuwaano attheene mu Roma, ayo Mulluku anaakondeeye nave aawiithana wi ekhalle athwaaye. Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

Yesaya 54:13

Anaawo attheene eneerohuddihiwa ni mi Apwiya, kineerewaadalisa ni waavaha murendelle munchichi.

Masalimo 85:10

Echikondi yoohisintheya ni ororomelleya ddineerokumana, echilungamo ni murendelle ddineerokhupaarellana.

1 Akorinto 1:3

Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

Masalimo 56:3

Kawooveemi, kuuroromellani nyuwaano.

Yohane 20:19

Misikuwa a nllapo nenno, Nllapo Namulungu, oohudderaalle yaatthukumana vamodda. Yaawalla machiwi kaambiiwa yawoova Ayuda. Vano Yesu aawa iimella variyari viwa allota wi, “Murendelle okhalle ni nyuwaano.”

2 Atesalonika 1:2

Echisomo ni murendelle ddoovenyera wa Mulluku Attiitthiihu ni Apwiya Yesu Khrisitu ddikhalle ni nyuwaano.

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Mitteko 18:9

Mahiiyu mamodda Paulo ahoona masomphenya mmo Apwiya yamulleelliiwa wi, “Ohoove, llalleyave nave ohihiye,

Mateyu 10:26

“Muhiwooveke athu. Vano erive yawiipittheya eneerewuupullulliwa navettho erive yookhuweya eneerodduwanyeya.

Yesaya 55:12

Nyu athwaaka, Muneerovenyawo o Babiloni moohakallalla, eneerewuukhumihani m'muzindanimmo mwamurendelle. Miyaango ni asimiyaango ddineerowiipellani nchipo, miteekho ddamuhakani ddittheddene ddineerowoopellani m'mattani.

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Aheberi 7:2

Nave Abrahamu aavelleella wa Melkizedekooyo yaneekhumi ya ddeko ddittheddene aakhilleeye okhotoninko (Ottaphullella wawaamba wa nnddina na Melkizedekinna tti wawi, “Mwene Oolungama” nave kaambiiwa aari mwene a o Salemu, nnddina nayenna ninattaphullellattho wi, “Mwene amurendelle”.)

Yohane 20:26

Nave viviralle mallapo matthanu ni mararu, oohudderaalle yaarittho mpa mulle nave Tomasi aari vamodda ni yaayo. Machiwi eri oowallawalleene Yesu aawa iimella variyari viwa allota wi, “Murendelle okhalle ni nyuwaano.”

Ezekiele 2:6

We mwaana a muthu, ohoove apaalle otthukumellana nnddo enaallotekiiwa. Ohooveke naari miiwa apaalle kakande ddiwaapheelle naari wakhalla variyari va anamukalizi. Ohooveke mawiiwa nave ohikhupanyeke ni maweherwiiwa vawi athwaayo tti oowukila.

Masalimo 28:3

Muhikivenyihelle nimodda ni athu aweera ddoonanara, ayo eneera ddoolleka, ayo enallota ddamurendelle koma m'murimani mwiwa muddanlle ddawiitana.

Daniele 4:1

Mwene Nebukadinezara aarumiha mawu wa athu a ellapo ddittheddene, a mitundu ddittheddene, a ellotello ddoohiyanahiyana va ellapo yavatthi ettheene wi, “Murendelle okhalle ni nyuwaano.

Miyambo 3:25

Ohinoovaka ddawoopiha nnddo ddinawa moorurumusa apaalle otulli wowaamorella athu oonanara.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Agalatiya 6:16

Nave ayo eniiwellella lamulo nenna, murendelle ni echifundo ddikhalle ni yaayo ni athu a Mulluku attheene!

Luka 10:5

Mwavollowa mpa, vawaamba mullote wi, ‘Murendelle okhalle mpammu.’

Zekariya 6:13

Olliye sika anaamake enyumbaaka nave aneerovahiwa olemu woophwanella mwene. Vakhuviru ni mpandwaaye woomwene vineerokhalla mullupa mukutho nave eellaayo enaapharelleke mutteko nimodda mwamurendelle ni mwawiiwanana.

Yesaya 57:19

Athu attheene a woorekama ni a vakhuviru kineerewaavaha murendelle ni waachiriha.

Masalimo 72:7

Va mallapwaaye echilungamo eneerewunnuwa, murendelle oneerewaata ophiyera mweeri ohiyalle owala.

Akolose 1:2

Ninaalembella athu a Mulluku a o Kolose, asinnihu ni arokorihu oororomelleya mu eyaattano ni Khrisitu. Echisomo ni murendelle ddoovenyera wa Mulluku Attiitthiihu ddikhalle ni nyuwaano.

Luka 12:4

“Kinimuulleellani, akhwaaka wi muhinawoovaka ayo eniipha mwiillive oohikhallattho ni yaweera yookhwaranya vaavo.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Daniele 6:25

Vano Dariusi ahaalembella athu a ellapo ddittheddene, mitundu ddittheddene ni ellotello ddoohiyanahiyana va ellapo yavatthi ettheene allota wi, “Murendelle waate variyari vanyu!

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Masalimo 11:1

Kinnathawella wa Apwiya, nyu munaakilleelle mwawiidde wi, “Thawella omwaangoni wonanko epallame!

Yobu 34:29

Mulluku eera tuu, ttaani anaamuhumullulle? Iipitthiha ekhovaaye, ttaani anaamoone? Komave olliye sika annaawehesesa athu apaalle mitundu dda athu

Maliro 3:17

M'murimani mwaka khamurittho murendelle, ohakallalla kaawutiwalla khallekhalle.

Masalimo 72:2

Vano mwenooyo aneeroweeruza athwaanyu moolungama, athwaanyu oohoowa moohiweha ekhove.

2 Epilli 20:30

Sika mwaakhalla murendelle mu omwene muttheene wa Yehoshafati vawi Mulluku aamuvaha murendelle virive veko.