Yohane 14:26 - Mawu a Mulluku

²⁶ Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Yohane 14:26 ပူးပေါင်းရင်းမြစ်များ

Yohane 15:26

“Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

Yohane 14:16

Miyaano kineerewaaveka Attiitthaaka nave eneerewuuvahani nyuwaano Ookavihera mmodda oyo anaakhalle ni nyuwaano wa enthawi yoohimalla.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

Yohane 16:7

Ddawoona, kinimuulleellani wi tti waphaama wa nyuwaano wi miyaano kinimarowa. Vawi kaahirowa Ookavihera khawa wa nyuwaano. Koma miyaano karowa, kineeromurumiha wa nyuwaano.

1 Yohane 2:20

Nave nyuwaano mwaakhalla ni Munepa Waweella woohelliwa va nyuwaano ni Khrisitu sika attheenenyu munnadduwella yawoona.

1 Akorinto 6:19

Ethiyo khamunadduwella wi mwiillaanyu tti enyumba ya Munepa Waweella oyo anakhalla mwa nyuwaano navettho aavahiwe wa nyuwaano ni Mulluku? Khamunakhalla a nyuwaano weekhiinyu.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Yohane 2:22

Sika avenyihiweeye wa ookhwa, oohudderaaye yahuupuwella wi aallota yeella nave yaakhulupilila mawu a Mulluku ni nnddo aallotille Yesu.

Yesaya 54:13

Anaawo attheene eneerohuddihiwa ni mi Apwiya, kineerewaadalisa ni waavaha murendelle munchichi.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

1 Yohane 5:7

Sika vookhalla amboni araru, alla tti,

Tito 3:5

aanivullusa ohiri ekaamba ya echilungamwaahu koma ekaamba ya echifundwaaye. Aanivullusa hiyaano oweella mwa obadiziwa wa oyariwa wanaanweene nave aanitthattusa anaanweene oyeella mwa Munepa Waweella.

Luka 24:49

Nave kineerewuurumihellani yalonjeziwe khalle ni Attiitthaaka. Nave mutiyereke m'muzindanimmu ophiyera mwaakhenlle masiva oovenyera oddullu.”

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

Aheberi 9:8

Munepa Waweella annahuddiha mwawiiweya phaama dda ddeko ddittheddenenndda wi ettilla yoovollowella mu nipuro naweellesesa khenahulliweve waarimi musasa wakhallooyo orivove.

Aheberi 3:7

Sika vano Munepa Waweella anallota wi, “Mwiiwa mawu a Mulluku ollello,

2 Akorinto 13:14

Echisomo ya Apwiya Yesu Khrisitu, echikondi ya Mulluku ni eyaattano ya Munepa Waweella ddikhalle ni nyuwaano attheene.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

1 Akorinto 12:3

Kinapaalla mudduwelle wi khaavo oyo anahoollelliwa ni Munepa a Mulluku anawora ollota wi, “Yesu tti ootembeleliwa!” Nave khaavo oyo anawora ollota wi, “Yesu tti Apwiya,” ahihoollelliwe ni Munepa Waweella.

2 Petro 1:21

Vawi kheyiivo yoollotelliwa yawiille ovenyera wa ddoopaalla dda athu koma athu yahoollelliwa ni Munepa Waweella wi ellote othenga woovenyera wa Mulluku.

Luka 11:13

Naari muri oonanara munnadduwella waavaha aniinyu ddeko ddaphaama. Vano Attiitthiihu ooddullu enaalephele mwawiidde waavaha Munepa Waweella ayo enamuveka olliye!”

Masalimo 51:11

Muhinakiikariha vamiitthoni vanyu, muhinavenyiha munepaanyu Waweella mwa miyaano.

Aroma 15:16

wi kikhalle oorumeyella a Khrisitu Yesu wa athu ayo ehiri Ayuda. Kinarumeyella wonanko mullupa mukutho kaallalleyaka othenga waphaama wa Mulluku wi athu ayo ehiri Ayuda ekhalle wonanko mukutho wawaakhelliwa ni Mulluku yaweellihiwa ni Munepa Waweella.

Luka 1:41

Elizabeti iiwalleeye mooni wa Mariyooyo, mwaana aari m'mirimani mwayemmo ahiirukunusarukunusa. Vano Elizabeti aaddalliwa ni Munepa Waweella

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Aheberi 2:4

Enthawi yeeyo Mulluku aheera omboni vaweerani ezizindikiro, masiva ni ddoottikhiniha ddoohiyanahiyana navettho vawaavahani emphaso dda Munepa Waweella moollikana ni opaalla waye.

2 Timoteo 1:14

Osunge phaama ddawoona nnddo yawinnyereewe mwa Munepa Waweella oyo onakhalla mwa hiyaano.

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mitteko 11:16

Vano kahuupuwella ddallotille Apwiya wi, ‘Yohane aabatiza ni maaddi koma nyuwaano muneerobatiziwa ni Munepa Waweella.’

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Yohane 20:22

Nave allotilleeye ddenndda ahaaviddeellella allota wi, “Akhellani Munepa Waweella.

Yohane 6:45

Anamallotella yaalemba wi, ‘Arive muthu aneerohuddihiwa ni Mulluku.’ Muthu oyo iiwalle wa Attiitthaaka nave ahuddera wa alliwaayo, annawa wa miyaano.

Mariko 13:11

Yuukusellani omillatuni, muhikhupanyeke wi munaaye mwallote tini apaalle munaallote mwawiidde vawi enthawi yeeyo Mulluku eneerewuulleellani yawi mullote. Vawi mawu munaalloteenywaayo khekhalla aanyu koma enaavenyere wa Munepa Waweella.

Mateyu 1:20

Vano aganizeeye ello yeella, mungelo a Apwiya ahooneya wa Yosefe muullohani allota wi, “Yosefe, edduullu ya Davide, ohoove omutthella Mariya. Erukullu yeella tti ya masiva a Munepa Waweella.

Aheberi 10:15

Munepa Waweella annavelleella omboni voollotani wi,

Yohane 12:16

Oohudderaaye kheyaawiiwesesa nndda va enthawi yeeyo koma Yesu aavenyihiweeye mwa ntitimiho, yahuupuwella wi nndda ddaalembiwa dda olliyooyo nave wi yaamweerella nndda.

Mariko 12:36

Munepa Waweella aamuhoollella Davide wi allote wi, ‘Apwiya yaallota wa apwiyaaka wi, “Khalla o nnattanatta naka ophiyera kaagonjihalle adanaawo.” ’

Yawuupullulla 2:11

“Ngiiwani vano mwaarina maaru awiiwana ddinallota Munepa Waweella wa mipingo! Athu ayo enaapambane khevoreyiwa ni okhwa waneepiilli.

Aefeso 1:13

Nave mwaakhulupilila mwa Khrisitu mwiiwalleenyu othenga wawoona, othenga wa ovullusiwa wanyu. Nave Mulluku ahuuvahani Munepa Waweella alonjezilleeye wi ekhalle echizindikiro yawi nyuwaano tti aaye.

2 Akorinto 6:6

Koma hiyaano nohooniha wi tti oorumeyella a Mulluku vookhallani aweella murima, eezeru, oovillella ni ooreera murima, vookhallani ni Munepa Waweella ni echikondi yawoona,

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Mitteko 15:8

Nave Mulluku oyo anadduwella mirima dda athu attheene, tti mboni wi alliwattho tti oophwanella okhulupilila vawaavahani Munepa Waweella wonanko mmo anivahelleeye hiyaano.

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Mitteko 1:4

Yaariiwana nimodda, Yesu ahaalamulella wi, “Muhivenyewo o Yerusalemu koma mutiyere ophiyera mwaakhenlle emphaso ya Attiitthaaka kalonjezilleemiille.

Mitteko 1:2

ophiyera nllapo awellihiweeye oya oddullu. Ahinawellihiwe, ahaalamulella mwamasiva a Munepa Waweella allopwana aatthoonlleeye wi ekhalle amurummwaaye.

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

Luka 3:22

Nave Munepa Waweella aakitthella va olliye, awooneya wonanko ekhunda. Vano mawu yahiiweya ovenyera oddullu wi, “We tti Mwanaka ookondiwa. Kinnahakallalla ni murimaaka muttheene ni weyaano.”

Luka 1:67

Nave Zakariya, attiitthinnya a Yohane, yaaddalliwa ni Munepa Waweella nave yaallotella wi;

Luka 1:35

Mungelooyo ahaakhulla wi, “Munepa Waweella aneerophiya va weyaano nave masiva a Mulluku Muullupalli eneerewuuhuruwella. Ekaamba ya yeella, mwaana ooyariwooyo anaakhalle Aweella nave aneeroromolliwa wi Mwaana a Mulluku.

Luka 1:15

Aneerokhalla muullupalli vamiitthoni va Apwiya. Khawa amuwirya vinyo apaalle erive yoolezeliha. Aneeroddalliwa ni Munepa Waweella naari ahinayariwe.

Mateyu 28:19

Sika khaweni wa athu a mitundu ddittheddene mwaarukunuse ekhalle oohudderaaka vawaabatizani mu nnddina na Attiitthaaka ni na Mwaana ni na Munepa Waweella.

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Mitteko 28:25

Sika vaakhalla ohiiwanana variyari va mullokooyo nave yaavenyavo, Paulooyo allotilleeye ello emodda yawi, “Munepa Waweella aallota phaama wa makhollwaanyu oweella mwa namallotella Yesaya!

Mitteko 16:6

Yaheeta ovirella mu ezigawo dda Frijiya ni Galatiya kaambiiwa Munepa Waweella wahaahiiha ollalleya mawu a Mulluku mu echigawo ya Asiya.*

Mitteko 15:28

Sika moowiiwanana ni Munepa Waweella nooganiza wi nihuureyeni ddeko ddoollemella waanjerera va ddennddave ddoopaalleya ddawi

Mitteko 13:4

Yarumiwiiwa ni Munepa Waweella, Baranaba ni Saulo yaaya o muzinda wa Seleukiya nave yaheeta vakallawani ovenyera wenko nave yaphiya o echilumba ya Kupro.

Mitteko 7:55

Koma Sitefano addalliwe ni Munepa Waweella, aaweha oddullu oona ntitimiho na Mulluku ni Yesu iimenlle onnattanatta na Mulluku.

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Mateyu 1:18

Oyariwa wa Yesu Khrisitu waari wawi amennya, Mariya, yaatomeliwa ni Yosefe koma ehinatthellane, Mariyooyo aaphwanyeya ari ni erukullu mwamasiva a Munepa Waweella.

Yohane 1:33

Miyaano ngaamudduwenlle wi aari wonanko aani koma Mulluku oyo aakirumihalle wi kibatize ni maaddi, aallota wa miyaano wi, ‘Oneerewoona Munepa Waweella akitthaka nave aneerokhalla va muthu. Yooyo sika anabatiza ni Munepa Waweella.’

Yohane 14:25

“Kohuulleellani ddeko ddenndda kiri ni nyuwaano.