Yohane 14:23 - Mawu a Mulluku

²³ Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yohane 14:23 ပူးပေါင်းရင်းမြစ်များ

Yohane 14:21

“Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”

Yohane 14:15

“Mwaakikondaka miyaano muneerothwara malamulwaaka.

1 Yohane 2:24

Vano simikizani wi othenga mwiiwalleenyu ovenyera vawaamba okhalleke m'murimani mwanyu. Othenga yooyo wakhalla m'murimani mwanyu, sika muneerokhalla mu eyaattano ni Mwaana ni Attiitthinnyaayo.

1 Yohane 4:4

Koma nyuwaano, anaaka, tti a Mulluku nave mohaagonjiha anamallotella awoottha kaambiiwa Munepa Waweella oyo ari mwa nyuwaano tti amasiva ohiyana ni munepa oyo ari mu ayo enakhalla mu ellapo yavatthi.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Yohane 10:30

Miyaano ni Attiitthaaka niri amodda.”

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yohane 6:56

Ayo enacha mwiillaaka ni owirya nikhame naka enakhalla mwa miyaano nave miyaano kinakhalla mwa alliwa

Yohane 14:17

Yoolla tti Munepa a yawoona. Ellapo yavatthi khewora omwaakhella kaambiiwa athu a mu ellapo yavatthi khenamoona apaalle omudduwella. Koma nyuwaano munnamudduwella kaambiiwa ari ni nyuwaano nave anakhalla mwa nyuwaano.

Genesis 1:26

Vano Mulluku aallota wi, “Hankoni nimuphatuse muthu moophwanaphwana ni hiyaano, akhalle wonanko hiyaano. Alamulelleke ddamunyanja, epallame, eziweto, enama ddamuhakani ddawaapadda ddittheddene dda va ellapo yavatthi.”

Yawuupullulla 21:22

Ngaawoonille enyumba ya Mulluku m'muzindanimmo kaambiiwa Apwiya Mulluku Amasiva Mattheene ni Mwaanaankhosa sika enyumbeeyo.

Genesis 11:7

Hankoni nikitthelle wenko wi navirikanihe ellotellwiiwa wi ehiiwananeke.”

Yawuupullulla 22:3

M'muzindanimmo khamukhalla ello yootembeleliwa ni Mulluku. Mpando woomwene wa Mulluku owaaka wa mwaanaankhosa oneerokhalla m'muzindanimmo nave oorumeyellaaye eneeromullapella olliye.

Masalimo 90:1

Nyu Apwiya, tti mookhallamo mwahu va mibado ddittheddene.

Yohane 8:51

Ddawoona, kinimuulleellani wi, oyo anasunga mawaaka m'murimani mwaye khawa akhwa.”

Yohane 8:52

Ayudaalle yaallota wi, “Vano noodduwella wi mookhalla ni munepa woonanara. Abrahamu aakhwa nave anamallotella yaakhwa. Sika nyuwaano munihina, ‘Muthu anasunga mawaaka m'murimani mwaye khawa akhwa.’

Yohane 14:24

Oyo ahinakikonda miyaano khanathwara mawaaka. Nave mawu kinaalloteemaalla khe aaka koma enavenyera wa Attiitthaaka ayo yaakirumalle miyaano.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

Yohane 16:27

vawi Attiitthaaka weekhiiwa ennuukondani nyuwaano. Ennuukondani kaambiiwa munnakikonda miyaano nave munnakhulupilila wi kavenyenre wa Mulluku.

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

1 Yohane 2:5

Koma attheene ayo eniiwellella mawaaye, ddawoona, alliwa tti athu ayo echikondiiwa ya va Mulluku yeeriwe wi ekhalle yaphaama. Mmu sika ninadduwellelleehu wi niri mu eyaattano ni Mulluku.

1 Yohane 5:3

Vawi omukonda Mulluku onattaphullella wiiwellella malamulwaaye. Nave malamulwaaye khehiyo ookatamiha,

2 Yohane 1:6

Echikondi kinaakeemi tti wawi ninaphwanella nikhalleke awiiwellella malamulo a Mulluku. Lamulo nno mwiiwalleenyu ovenyera vawaamba, tti nawi attheene mukhalleke ookondana.

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.