Yohane 14:21 - Mawu a Mulluku

²¹ “Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”

Yohane 14:21 ပူးပေါင်းရင်းမြစ်များ

Yohane 14:15

“Mwaakikondaka miyaano muneerothwara malamulwaaka.

1 Yohane 5:3

Vawi omukonda Mulluku onattaphullella wiiwellella malamulwaaye. Nave malamulwaaye khehiyo ookatamiha,

1 Yohane 2:5

Koma attheene ayo eniiwellella mawaaye, ddawoona, alliwa tti athu ayo echikondiiwa ya va Mulluku yeeriwe wi ekhalle yaphaama. Mmu sika ninadduwellelleehu wi niri mu eyaattano ni Mulluku.

2 Yohane 1:6

Echikondi kinaakeemi tti wawi ninaphwanella nikhalleke awiiwellella malamulo a Mulluku. Lamulo nno mwiiwalleenyu ovenyera vawaamba, tti nawi attheene mukhalleke ookondana.

Deuteronomo 11:13

“Sika vano mwiiwellelleke malamulo kiwinnyalleemini ollellova wi mwaakondeke Apwiya Mullukwaanyu ni waarumeyella ni okumaanyu muttheene.

Yohane 16:27

vawi Attiitthaaka weekhiiwa ennuukondani nyuwaano. Ennuukondani kaambiiwa munnakikonda miyaano nave munnakhulupilila wi kavenyenre wa Mulluku.

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

Yohane 15:14

Nyuwaano tti akhwaaka mweera kinuulamuleemini.

Yawuupullulla 3:20

Ngoonani, kiimenlle vamullakoni nave kinnookotha. Muthu iiwa mawaaka nave ahulla nchiwi, kineerovollowa kichena vamodda.

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Masalimo 35:27

Koma ayo enapaalla wi kiphwanyeye oohilakwa, ekhuweke moohakallalla wi, ‘Apwiya tti uullupalli, ennahakallalla oorumeyelliiwa ddamweetella phaama.’

1 Yohane 3:1

Ngoonani mmo Attiitthiihu enanikondelliiwa wawi ninnaromolliwa anamwani a Mulluku. Ddawoona hiyaano tti anaaye. Ellapo yavatthi khenanidduwella kaambiiwa khenamudduwella Mulluku.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

Yeremiya 31:31

Apwiya enallota wi, “Mallapo enimawa mvo kinaakeraatthiheemi echipangano yanaanweene ni athu a o Aisraele ni a o Yuda.

Yohane 16:14

Aneerokititimiha miyaano kaambiiwa anaakuse nnddo kinalloteemi nave aneerekewuulleellani nyuwaano.

Yohane 14:18

“Karowa, nguuhiyani nyuwaano wonanko akhwaadduni koma kineerohokollweellattho wa nyuwaano.

2 Timoteo 4:22

Apwiya ekhalle ni weyaano. Echisomo ya Mulluku ekhalle ni nyuwaano attheene.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

Mitteko 22:18

Mwemmo kaawoona Apwiya, ayo yallotille ni miyaano wi, ‘Akuva nave ovenyewo o Yerusalemu wuno, ohillekelle kaambiiwa athu a wuno kheyaakhullelle omboonaawo dda miyaano.’

2 Akorinto 12:8

Kaavekella wa Apwiya oraru wi avenyihevo yeella.

Eksodo 33:18

Nave Mose ahaaveka Apwiya wi, “Pepaani mukoonihe ntitimiho nanyu.”

Deuteronomo 7:13

Eneerewuukondani ni wuudalisani ophiyera mwaatille ni waayara anamwani anchichi. Eneeroddidalisa emata ddanyu vawuuvahani tirigu, vinyo ni makhura. Eneerewuudalisanittho vawuuvahani eziweto ddinchichi. Eneerewuuvahani ddittheddenenndda mu ellapo eyo yallupenlliiwa waavaha makhollwaanyu.

Miyambo 8:17

Kinnaakonda ayo enakikonda, ookaashaasha ennakiphwanya.

2 Mamwene 18:6

Olliye aawanddeellella wa Apwiya. Khaahiyalle waathwara Apwiya nave aanasunga malamulo ayo yamuvahilliiwa Mose.