Yohane 14:17 - Mawu a Mulluku

¹⁷ Yoolla tti Munepa a yawoona. Ellapo yavatthi khewora omwaakhella kaambiiwa athu a mu ellapo yavatthi khenamoona apaalle omudduwella. Koma nyuwaano munnamudduwella kaambiiwa ari ni nyuwaano nave anakhalla mwa nyuwaano.

Yohane 14:17 ပူးပေါင်းရင်းမြစ်များ

Ezekiele 36:27

Kineerohiya munepaaka mwa nyuwaano nave kineeroweerihani wi muthwareke malangizwaaka ni osunga malamulwaaka.

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

Yohane 15:26

“Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

1 Yohane 4:6

Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

1 Akorinto 3:16

Ethiyo khamunadduwella wi nyuwaano tti enyumba ya Mulluku nave Munepa a Mulluku onakhalla mwa nyuwaano?

1 Akorinto 2:14

Oyo ahinna Munepa khawora waakhella emphaso ddoovenyera wa Munepa a Mulluku. Athu yaayo kheniiwesesa emphasonnddo, khaddinna mutteko wa alliwaayo kaambiiwa oreera wiwa onadduwanyeya mwa Munepa Waweella.

1 Akorinto 6:19

Ethiyo khamunadduwella wi mwiillaanyu tti enyumba ya Munepa Waweella oyo anakhalla mwa nyuwaano navettho aavahiwe wa nyuwaano ni Mulluku? Khamunakhalla a nyuwaano weekhiinyu.

2 Timoteo 1:14

Osunge phaama ddawoona nnddo yawinnyereewe mwa Munepa Waweella oyo onakhalla mwa hiyaano.

Yohane 14:16

Miyaano kineerewaaveka Attiitthaaka nave eneerewuuvahani nyuwaano Ookavihera mmodda oyo anaakhalle ni nyuwaano wa enthawi yoohimalla.

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

1 Yohane 3:24

Ayo eniiwellella malamulo a Mulluku ennakhalla mu eyaattano ni Mulluku nave Mulluku annakhalla mu eyaattano ni alliwaayo. Nave ekaamba ya Munepa oyo Mulluku anivahilleeye, ninnadduwella wi Mulluku annakhalla mu eyaattano ni hiyaano.

1 Yohane 4:4

Koma nyuwaano, anaaka, tti a Mulluku nave mohaagonjiha anamallotella awoottha kaambiiwa Munepa Waweella oyo ari mwa nyuwaano tti amasiva ohiyana ni munepa oyo ari mu ayo enakhalla mu ellapo yavatthi.

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

Agalatiya 4:6

Vawoonihani wi nyuwaano tti anaaye, Mulluku aarumiha Munepa wa mwanaye m'mirimani mwahu, Munepooyo onakhuwa wi, “Abba, Attiitthaaka.”

2 Akorinto 13:5

Muddeeseke ni oddeeruza weekhiinyu wi moone mwaarimi mukhallaka mu echikhulupililo. Ddawoona munnadduwella wi Khrisitu Yesu ari mwa nyuwaano koma mwaari muhiri ddiiddo sika moolephela.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Aefeso 2:22

Mu eyaattano ni Khrisitu nanyeenettho munimamakiwa vamodda ni amodda attheenaayo wi mukhalle nipuro nookhallamo Mulluku oweella mwa munepaaye.

Mateyu 10:20

Vawi mawu munaalloteenywaayo khekhalla aanyu koma enaavenyere wa Munepa wa Attiitthaanyu ayo anallota mwa nyuwaano.

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

Miyambo 14:10

Murima onadduwella ovoreya wa weekhiiwa nave khaavo anadduwella mmo ohakallallelliiwa.

1 Yohane 5:7

Sika vookhalla amboni araru, alla tti,

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

1 Akorinto 14:15

Vano kinaphwanella keere tini? Kineerovekella ni munepaaka nave kineerovekellattho ni maganizwaaka. Kineerewiipa ni munepaaka nave kineerewiipattho ni maganizwaaka.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”