Yohane 14:13 - Mawu a Mulluku

¹³ Nave erive ello munaavekekeenyu mu nnddina naka kineereweera sika wi ntitimiho na Attiitthaaka nineerewooneya mwa miyaano, Mwaana.

Yohane 14:13 ပူးပေါင်းရင်းမြစ်များ

Yohane 15:7

Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

Mariko 11:24

Ekaamba ya yeella kinimuulleellani wi munavekeenyu munivekello, khulupililani wi mohaakhella nave eneerovahiwa wa nyuwaano.

Mateyu 21:22

Mwakhalla ni echikhulupililo, muneerewaakhella erive ello munavekeenyu mu nivekello.”

Mateyu 7:7

“Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

1 Yohane 5:14

Noollipa murima vamiitthoni va Mulluku kaambiiwa ninnasimikiza wi annaniiwa namuveka erive ello moollikana ni opaalla waye.

Yohane 16:23

“Nllapo nenno naphiya khamukivekattho erive ello. Ddawoona, kinimuulleellani wi mwaveka erive ello wa Attiitthaaka mu nnddina naka, eneerewuuvahani.

1 Yohane 3:22

Erive ello ninavekeehu ninnaakhella kaambiiwa ninniiwellella malamulwaaye ni weera eyo enamuhakallalliha.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Yohane 14:14

Mwakiveka erive ello mu nnddina naka, kineereweera.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Aefeso 3:12

Mu eyaattano ni Khrisitu ni oyeella mu echikhulupilwaahu mwa olliye, ninnallipa murima oya vamiitthoni va Mulluku moohikayikella.

Yohane 16:26

Nllapo nenno naphiya, muneerewaaveka Attiitthaaka mu nnddina naka. Nave khokhalla woopaalleya wi kuuvekellekeni wa Attiitthaaka,

Yohane 10:30

Miyaano ni Attiitthaaka niri amodda.”

Aefeso 2:18

Vawi oweella mwa Khrisitu hiyaano attheene, Ayuda ni athu ayo ehiri Ayuda ninnawora owa wa Attiitthiihu mu Munepa Waweella mmoddamoddave.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

Yohane 7:37

Va nllapo noomallihella navettho nuullupalli na ehakallallo Yesu ahiimella allota mookhuwa wi, “Muthu avolliwa nthona anaphwanella awe wa miyaano wi awirye.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yohane 12:44

Yesu aakhuwa wi, “Oyo anakhulupilila mwa miyaano, khanakhulupilila mwa miyaanove koma mwa oyo aakirumalle.

Luka 11:9

Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Yohane 5:19

Yesu awaakhulla alliwaayo wi, “Ddawoona, kinimuulleellani wi, miyaano Mwaana ngiwora weera ddeko mwa meekhaaka koma kineera yeeyo kinooneemi Attiitthaaka yeeraka. Nnddo eneeriiwa, emoddamoddave yeeyo miyaano kinneerattho ddennddo.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

Aheberi 4:15

Mullupa mukutho muullupallaahooyo anniiwesesa ofooka wahu vawi olliyettho aheesiwa wonanko hiyaano koma khaachimwalle.

Aefeso 3:14

Ekaamba ya yeella kinnaakokhorella Attiitthaaka,

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Yohane 16:7

Ddawoona, kinimuulleellani wi tti waphaama wa nyuwaano wi miyaano kinimarowa. Vawi kaahirowa Ookavihera khawa wa nyuwaano. Koma miyaano karowa, kineeromurumiha wa nyuwaano.

Yohane 13:31

Vano Yudasi akhumalleeye, Yesu aallota wi, “Vano mi Mwaana a Muthu kootitimihiwa nave ekaamba ya miyaano Mulluku ootitimihiwa.

1 Akorinto 14:13

Vano muthu anallota ellotello ddoohidduwanyeya anaphwanella avekellelle emphaso yoottaphullella.