Yohane 14:12 - Mawu a Mulluku

¹² Ddawoona, kinimuulleellani wi, oyo anakikhulupilila miyaano aneerekoweerattho mitteko kineereemi. Nave aneereweera mitteko dduullupalli ddookhwaranya ddenndda kaambiiwa miyaano kinaya wa Attiitthaaka.

Yohane 14:12 ပူးပေါင်းရင်းမြစ်များ

Mateyu 21:21

Yesu ahaakhulla wi, “Ddawoona, kinimuulleellani wi mwakhalla ni echikhulupililo ni oohikayika, khamweera yeellave kenreemi va muteekho wanamukuyoolla koma naari ollota wa mwaangoolla wi, ‘Venya wiivokhelle weekha mu enyanja,’ eneereweereya.

Mariko 16:17

Ookhulupililaayo eneerokodduwanyeya kaambiiwa eneerekeweera ddoottikhiniha. Eneerokokhumiha minepa ddoonanara vooromollani nnddina naka nave eneerekollota ellotello ddoohidduwanyeya.*

Mitteko 16:18

Namwalloolle aheera ddenndda wa mallapo manchichi ophiyera Paulo aananariwana nave arukunuwa allota wa munepa woonanarooyo wi, “Mu nnddina na Yesu Khrisitu kinuulamula weyaano wi okhumemo mwa namwalloolla!” Enthawi yeeyo munepa woonanarooyo waakhumamo.

Mitteko 9:34

Petro aallota wi, “Eneya, Yesu Khrisitu ohuuchiriha. Venya nave okuse mwinllaawo.” Enthawi yeeyo Eneya aavenya.

Mitteko 19:12

Naari mipango dda m'mattani ni ekuwo apharihalleeye mutteko ddakusiwa ddakhuneelliwana oovoriiwa, ereta ddiwa ddaanachirihiwa navettho minepa ddoonanara ddaanakhuma.

Mitteko 9:40

Petro ahaakhumiha attheenaayo muchipindanimmo, akokhora nave avekella. Vano aarukunuwella waari mutembooyo allota wi, “Tabita, venya!” Aakhunuulla miitthwaaye nave amoonilleeye Petro, aavenya akeraatthi.

Mitteko 8:7

Minepa ddoonanara ddaakhuma mwa athu anchichi ddinllaka mookhuwa nave athu anchichi ookhwa meto ni oorakalla yaachirihiwa.

Mitteko 5:15

Ekaamba ya mitteko dda amurummwa, athu oovoriiwa yaanakhumihelliwa omusewuni ekonaatthille vamachirani ni vaminllini wi Petro aaviraka naari muuthuuchaayeve waaphwanye.

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Mitteko 4:4

Koma mwa athu yiiwalle othengooyo anchichi yaakhulupilila. Nave waata wa athu ookhulupilila wahaanjerereya ophiyera 5,000.

Yohane 16:7

Ddawoona, kinimuulleellani wi tti waphaama wa nyuwaano wi miyaano kinimarowa. Vawi kaahirowa Ookavihera khawa wa nyuwaano. Koma miyaano karowa, kineeromurumiha wa nyuwaano.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

Yohane 7:33

Yesu aallota wi, “Kinaakhalle ni nyuwaano o enthawi yooyeva nave vano kineerohokollweella wa yooyo aakirumalle.

Aroma 15:19

ni masiva a ezizindikiro ni ddoottikhiniha navettho ni masiva a Munepa Waweella. Sika vano koollalleya othenga waphaama wa Khrisitu ovenyera o Yerusalemu ophiya o Iliriko.

Mitteko 6:7

Mawu a Mulluku yaavirellella ovuwa. Nave ookhulupilila a mu Yerusalemu yahaata nave allupa mukutho anchichi yahaakhullella echikhulupililweeyo.

Mitteko 4:16

Yaakohana wi, “Niweere tini athwaalla? Athu attheene mu Yerusalemu ennadduwella wi athwaalla aheera yoottikhiniha nave hiyaanottho khaniwora okhoota.

Yohane 14:28

Mwaakiiwa killotaka wa nyuwaano wi, ‘Kinimarowa nave kineerohokollowa wa nyuwaano.’ Mwaakikondilleke, mwaawerohakallalla wi kinaya wa Attiitthaaka vawi Attiitthaakaayo tti uullupalli ohiyana ni miyaano.

Mitteko 10:46

Vawi yaawiiwa ellotaka mu ellotello ddoohidduwanyeya* nave etitimihaka wunnuwa wa Mulluku. Petro aallota wi,

Mitteko 4:33

Amurummwaayo yaavelleella omboni mwamasiva muullupalli dda ovenya wa ookhwa wa Apwiya Yesu nave Mulluku aaweerella echifundo yuullupalli.

Mariko 11:13

Ari voorekama ahoona muteekho wanamukuyu ori ni makukhu, sika aaya wi oone eeki amuphwanyemo namukuyu. Koma aphiyalleeye, aphwanyille makukhuve vawi kheyaari enthawi yawi namukuyooyo aawerowiima.

Yohane 4:37

Yoollotiwa yeella tti yawoona yawi, ‘Awaalla tti mmodda, oohata tti mmoddattho.’

Yohane 5:20

Vawi Attiitthaaka ennakikonda miyaano nave ennakooniha miyaano ddittheddene eneeriiwa. Nave eneerokooniha ddeko ddookhwaranya nndda wi muttikhine.