Yohane 14:11 - Mawu a Mulluku

¹¹ Kikhulupilileni miyaano wi kiri mwa Attiitthaaka ni Attiitthaaka eri mwa miyaano. Mwaahikikhulupililaka miyaano, khulupililakani ekaamba ya mitteko dda Attiitthaaka.

Yohane 14:11 ပူးပေါင်းရင်းမြစ်များ

Yohane 10:38

Koma kaarimi keeraka mitteko ddoovenyera wa Attiitthaaka naari muhikikhulupililaka, mukhulupilileke mitteko ddaka wi mudduwelle ni wiiwesesa wi Attiitthaaka eri mwa miyaano nave miyaano kiri mwa Attiitthaaka.”

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Yohane 10:25

Yesu ahaakhulla wi, “Kahuulleellani koma khamunakikhulupilila. Ddeko nndda kineereemi mu olamulello wa Attiitthaaka, ddinnavelleella omboni.

Yohane 14:10

Khonakhulupilila wi miyaano kiri mwa Attiitthaaka nave Attiitthaaka eri mwa miyaano? Mawu ayo kinalloteemi wa nyuwaano nginallota mwa olamulello wa miyaano meekhaaka koma Attiitthaaka ookhalla mwa miyaano enneera mitteko ddiwa mwa miyaano.

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Aheberi 2:4

Enthawi yeeyo Mulluku aheera omboni vaweerani ezizindikiro, masiva ni ddoottikhiniha ddoohiyanahiyana navettho vawaavahani emphaso dda Munepa Waweella moollikana ni opaalla waye.

Yohane 10:32

Yesu ahaakoha wi, “Koowoonihani mitteko ddaphaama ddinchichi ddoovenyera wa Attiitthaaka, mwa mitteko ddenndda ttuuvi munapaalleenyu okivokhella malluku?”

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.