Yohane 13:8 - Mawu a Mulluku

⁸ Petro aallota wi, “Khamuwa muhapiha manyallwaaka.” Yesu ahaakhulla wi, “Kaahihapiha manyallwaawo, khokhalla oohudderaaka.”

Yohane 13:8 ပူးပေါင်းရင်းမြစ်များ

Tito 3:5

aanivullusa ohiri ekaamba ya echilungamwaahu koma ekaamba ya echifundwaaye. Aanivullusa hiyaano oweella mwa obadiziwa wa oyariwa wanaanweene nave aanitthattusa anaanweene oyeella mwa Munepa Waweella.

Mitteko 22:16

Nave vano, onaselliwella tini? Venya nave obatiziwe ni ohapihiwa wi machimwaawo evenyihiwe voovekellani wa Apwiya.’ ”

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Akolose 2:23

Ddawoona malamulo yaalla enooneya wonanko tti eezeru voollapellani angelo ni wiiyeviha wawoottha ni ohoosa mwiilli nave malamulo yaalla khenawora ohiiha minkhella dda mwiilli.

Akolose 2:18

Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

Yohane 3:5

Yesu ahaakhulla wi, “Ddawoona, kinimuulleellani wi, khaavo muthu anaawore ovollowa mu omwene wa Mulluku aahiyariwa mwa maaddi ni Munepa Waweella.

Mateyu 26:33

Petro aallota wi, “Naari amodda yuuhiyeni, miyaano nguuhiyani.”

Mateyu 21:29

Mwaanooyo ahaakhulla wi, ‘Nginapaalla miyaano.’ Koma vatulli viwa aasintha maganizo, ayaawo.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Yesaya 4:4

Vaavo Apwiya enaakhalle yaahapihalle athu a o Ziyoni ni ovenyihavo ddoonanara ddiwa nave enaakhalle ehuwalle nikhame nno nahelliwe mu Yerusalemu. Eneere ddenndda ni munepa waweeruza ni waweelliha ni munllo.

Mateyu 26:35

Petro ahaakhulla wi, “Naari ori woophwanella miyaano okhwa ni nyuwaano, nguukhootani.” Nave oohuddera attheenaayo yaallota ello emoddamoddave yeella.

Mateyu 16:22

Petro aamukusella vakhwipi aamba omuhumullulla wi, “Mulluku ahaakhullelle, Apwiya! Ddenndda ddiheereye wa nyuwaano.”

Genesis 42:38

Koma Yakobo aallota wi, “Mwanakoolla khathaanana ni nyuwaano iyaayi, valle mwanamunne aakhwa nave ahanlle yeekha. Apaalle ttuukumana ni otulli nave miyaano kuulluvallelleemimmu ethakaraka sika ddinaakiiphe.”

Yohane 13:6

Aaphiya va Simoni Petro nave Petro aallota wi, “Apwiya, munaaka mukihapihe manyallwaaka?”

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

2 Samuele 20:1

Vano waakhalla muthu oohitthopoowa, nnddina naye Sheba, mwaana a Bikiri a nlloko na Benjamini. Olliye nllapo nimodda ahoopa nipallapata allota wi, “Hi khaninna echigawo mu omwene wa Davide, khaniinnattho yoohallana mu omwene wa Yese! Nyu Aisraele, arive muthu ayeeke o enyumbaaye.”

1 Mamwene 12:16

Aisraele attheene yoonilliiwa wi mwenoolle khaawaakhullelle yapaalliiwannddo, yaamwaakhulla wi, “Ethiyo hi niri ninti ni Davide? Khaninna yoohallana mwa mwaana a Yese. Kheyiivo ninaaphurevwaahu va yoohallana ya mwaana a Yese. Nyu Aisraele, hokollweellani owaninyu, we Rehobowamu, mwaana a Davide, alamulelleke athwaawo.” Sika Aisraele yaahokollweella owaniwa.

Masalimo 51:2

Mukihapihe o ddoolakwa ddaka ddittheddene, mukeellihe o machimwaaka.

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.

Yohane 13:9

Simoni Petro ahaakhulla wi, “Apwiya, muhihapihe manyallwaakave! Koma muhapihettho mattaaka ni murwaaka!”