Yohane 13:34 - Mawu a Mulluku

³⁴ Nave kinuuwiherani lamulo nanaanweene wi mukondaneke mmodda ni mukhwaaye. Mukondaneke mmodda ni mukhwaaye wonanko mmo kinuukondelleemini.

Yohane 13:34 ပူးပေါင်းရင်းမြစ်များ

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Levitiko 19:18

Muhinahokollosella ddoonanara nave muhinaananariwella akhwiinyu koma mumukondeke mmodda wonanko mmo muniikondelleenyu nyookha. Mi tti Apwiya.

Yohane 15:17

Sika kinnulamulellani nyuwaano ello yeella wi mukondaneke.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Agalatiya 6:2

Mukaviheraneke oreya ddookatamiha dda mmodda ni mukhwaaye nave mu ettilla yeella muneerewooniha wi munnamwiiwellella Khrisitu.

1 Yohane 3:23

Eyo analamuleeye tti yawi nimukhulupilileke Mwanaye Yesu Khrisitu nave nikondaneke, wonanko mmo aanilamulalleeyettho.

1 Yohane 4:21

Lamulo nno Khrisitu anivahilleeye tti nawi, attheene enamukonda Mulluku enaphwanella emukondeke mwanamunniwa ni murokoriwa.

Yakobo 2:8

Vano munneera phaama mwaarimi muthwaraka malamulo a omwene ayo enaphwanyeya mu mawu a Mulluku awi, “Omukondeke mukhwaawo wonanko mmo oniikondelleewe weekha.”

1 Atesalonika 3:12

Ninaaveka Apwiya wi yoonjerere ni wunnuwiha echikondaanyu va ookhulupilila akhwiinyu nave va athu attheene wonanko mmo echikondaahu va nyuwaano yunnuwelliiwa.

Aroma 12:10

Mukondaneke mmodda ni mukhwaaye wonanko muthu ni musinne apaalle murokoriye nave mwaavaheke olemu athu amodda ohiyana ni muniivahelleenyu olemu nyookha.

2 Yohane 1:5

Nave vano kinimuuveka mutthiyana ookondiwa wi nikondaneke. Nginuulembella lamulo nanaanweene koma tti lamulo naakhenlleehu ovenyera vawaamba.

Agalatiya 6:10

Sika vano nakhalla ni enthawi ninaphwanella neereke ddaphaama wa arive muthu nave makamaka ayo eri a mu nibanja nahu na echikhulupililo.

1 Yohane 3:11

Othenga mwiiwalleenyu ovenyera vawaamba tti wawi, ninaphwanella wi nikondaneke.

Levitiko 19:34

Mulleto oyo anakhalla variyari vanyu akhalle wonanko Muisraele nave mumukondeke wonanko mmo muniikondelleenyu. Vallethi mwaakhalla alleto mu ellapo ya Iguputo. Mi tti Apwiya Mullukwaanyu.

Aheberi 13:1

Virellellani okondana wonanko muthu ni murokoriye

2 Atesalonika 1:3

Asinnihu ni arokorihu, ninaphwanella wi nimuthokozeke Mulluku ekaamba ya nyuwaano enthawi ddittheddene. Tti woopaalleya weera ddiiddo kaambiiwa echikhulupilwaanyu ennunnuwannuwa navettho okondana wanyu onnaata.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

2 Petro 1:7

nave va makhallello ookhulupilila mwaanjererevo echifundo ya va ookhulupilila akhwiinyu nave va echifundweella mwaanjererevo echikondi.

Akolose 1:4

Vawi nohiiwa dda echikhulupilwaanyu mwa Khrisitu Yesu ni echikondaanyu wa athu a Mulluku attheene.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Masalimo 119:63

Mi tti mukhwiiwa a oowoovani, athu oothwara malamulwaanyu.

Masalimo 16:3

Naaka dda athu aweella murima, ayo eri vatthimva tti ooriiheya! Alliwaayo ennakihakallalliha.

Mateyu 5:44

Koma miyaano vano kinimuulleellani wi, mwaakondeke adanaanyu nave mwaavekellelleke ayo enuuhoosani,

Aroma 13:8

Muhikhalle ni ekongoli ni arive muthu. Ekongoli munaphwanelleenyu okhallana tti yookondana mmodda ni mukhwaaye vawi oyo anamukonda mukhwaaye ookwakhwaniha malamulo.

Aroma 13:10

Waawakondaka akhwaawo khoweerella yoonanara. Sika oyo anamukonda mukhwaaye ookwakhwaniha malamulo.