Yohane 13:3 - Mawu a Mulluku

³ Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

Yohane 13:3 ပူးပေါင်းရင်းမြစ်များ

Yohane 3:35

Attiitthinnya ennamukonda Mwaniwa nave aahiya ddeko ddittheddene mu olamulellwaaye.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

1 Akorinto 15:27

Vawi mawu a Mulluku enallota wi, “Mulluku aahiya ddeko ddittheddene m'mattani mwaye.” Nave tti ddoodduwanyeya khalle wi mawu awi, “ddeko ddittheddene” khenamwaaka ni Mullukweene oyo anahiya ddeko ddittheddene m'mattani mwa Khrisitu.

Mitteko 2:36

“Vano Aisraele attheene edduwellesese wi Yesu olla mwamutthomeyilleenyu vamutandani, tti oyo Mulluku amweenreeye wi akhalle Apwiya navettho Mesiya!”

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 7:33

Yesu aallota wi, “Kinaakhalle ni nyuwaano o enthawi yooyeva nave vano kineerohokollweella wa yooyo aakirumalle.

Yohane 7:29

Koma miyaano kinnamudduwella kaambiiwa kavenyenre wa olliyoolla nave aakiruma.”

Yohane 3:13

Khaavo muthu awenlle oddullu koma miyaanove Mwaana a Muthu, sika kakitthalle ovenyera oddullu.”

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Yohane 8:14

Yesu ahaakhulla wi, “Naari kiivelleellellaka omboni meekhaaka, ombonaaka tti woororomelleya kaambiiwa kinnadduwella nko kinavenyereemi ni nko kinayeemi.