Yohane 13:18 - Mawu a Mulluku

¹⁸ “Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Yohane 13:18 ပူးပေါင်းရင်းမြစ်များ

Masalimo 41:9

Naarittho mukhwaaka a vamurimani, oyo kamuroromelleemi, oyo kacheemina, ookiwukila.

Mateyu 26:23

Yesu ahaakhulla wi, “Yooyo amurenre buledi mu embale nimodda ni miyaano, sika anaakivelleelle.

Yohane 17:12

Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.

Mariko 14:20

Yesu ahaakhulla wi, “Tti mmodda a nyuwaano khumi ni eelli, yooyo amurenre buledi mu embale nimodda ni miyaano.

Yohane 13:26

Yesu ahaakhulla wi, “Tti oyo kinaamurerelleemi buledi ni omuvaha.” Sika aamukusa buledi, amurera amuvaha Yudasi, mwaana a Simoni Isikariyoti.

Yohane 6:70

Yesu ahaakhulla wi, “Kahuutthoollani nyuwaano khumi ni eelli, khe ddiiddo? Koma mmodda a nyuwaano tti Satana!”

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Mateyu 10:36

adani a muthu enaakhalle a munibanjani mwaye.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

2 Akorinto 4:5

Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.

Yeremiya 41:2

Ishmaele mwaana a Netaniya ni athu khumi yaavenya emwiipha ni masupadiiwa Gedaliya, mwaana a Ahikamu, mwaana a Shafani, oyo mwene a o Babiloni amuhiyalleeye wi akhalle oolamulella ellapo.

Mateyu 26:21

Vano echaka Yesu aallota wi, “Ddawoona, kinimuulleellani wi mmodda a nyuwaano aneerokivelleella wa adanaaka.”

Mariko 14:17

Nave voophiyani misikuwa, Yesu aawa ni oohudderaaye khumi ni eelli mu echipindeeyo.

Mariko 14:18

Vano achaka, Yesu aallota wi, “Ddawoona, kinimuulleellani wi mmodda a nyuwaano oyo anacha ni miyaano aneerokivelleella wa adanaaka.”

Luka 22:21

“Koma dduwellani wi anakivelleella wa adanaaka anacha ni miyaano vaava!

Yohane 13:21

Yesu allotille nndda aahoowa m'murimani mwaye nave aallota moohikhuwa wi, “Ddawoona, kinimuulleellani wi mmodda a nyuwaano aneerokivelleella wi kiiphiwe.”

Yohane 13:22

Oohudderaaye yaawehana mmodda ni mukhwaaye ekayikaka wi anamwaaka aani.

Yohane 15:25

Ddaari ddiidda wi mawu oolembiwa m'malamuloni yakwakhwanihiwe awi, ‘Yaakiita kihaalakwenlle.’

Yohane 18:32

Ella yaheereya wi mawu a Yesu oollota dda mmo anaakhwelleeye ekwakhwanelle.

Yohane 19:24

Vano akhotwaalle yaallota mmodda ni mukhwaaye wi, “Nihaahulle alla koma noombese wi noone wi anaakuse ttaani.” Ddaari ddiiddo wi mawu a Mulluku ekwakhwanihiwe awi, “Yaakawana ddoowara ddaka nave yahoombesera va mukanjwaaka.” Sika akhoto yaheera ella.

Yohane 19:36

Nndda ddaheereya wi mawu a Mulluku ekwakhwanihiwe awi, “Naari nikhuva naye nimodda khaniwa ninttakiwa.”

Mitteko 1:2

ophiyera nllapo awellihiweeye oya oddullu. Ahinawellihiwe, ahaalamulella mwamasiva a Munepa Waweella allopwana aatthoonlleeye wi ekhalle amurummwaaye.

Mitteko 1:16

“Asinnaka ni arokoraka, waari woophwanella wi mawu a Mulluku ekwakhwanihiwe mmo Munepa Waweella allotilleeye oweella mwa Davide ollotella dda Yudasi, oyo aari owaahoollella ayo yamuphanre Yesu.