Yohane 13:14 - Mawu a Mulluku

¹⁴ Miyaano, Pwiinyu ni Muhuddihaanyu, koohapiha manyallwaanyu. Sika nyuwaano munnaphwanella ohapihanattho manyallo mmodda ni mukhwaaye.

Yohane 13:14 ပူးပေါင်းရင်းမြစ်များ

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Agalatiya 5:13

Nave nyuwaano, asinnaka ni arokoraka, muhaakhullelle wi ottaphulliwa wonngu okhalle ekari yawi mulamuliweke ni ddoopaalla dda mwiillaanyu. Nave mukhalle oorumeyellana mmodda ni mukhwaaye mu echikondi.

Aroma 12:16

Mukhalleke mwawiiwanana mmodda ni mukhwaaye. Nave muhiitukhulleke koma mwaakhullelle weera ddeko ddawiiyeviha nave muhiganizeke wi muri eezeru.

1 Petro 4:1

Vawi Khrisitu mwiillaaye waahoosiwa, nyuwaanottho mwiillipiheke weekhiinyu ni maganizo amoddamoddave yaayo aariiyena kaambiiwa oyo mwiillaaye wahoosiwe oohiya ochimwa.

1 Akorinto 8:13

Sika vano yoocha yamukwakwatulliha mwanamunnaka apaalle murokoraka, ngiwa kichattho enama yeella wi kihaakwakwatullihe.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Aroma 12:10

Mukondaneke mmodda ni mukhwaaye wonanko muthu ni musinne apaalle murokoriye nave mwaavaheke olemu athu amodda ohiyana ni muniivahelleenyu olemu nyookha.

Yohane 11:2

Mariya yoolla tti olle aazozille Apwiya makhura a nthuko naphaama ni waapukuta manyallwiiwa ni meehaaye. Lazaro oovoriiwooyo aari murokoriye.

1 Akorinto 12:3

Kinapaalla mudduwelle wi khaavo oyo anahoollelliwa ni Munepa a Mulluku anawora ollota wi, “Yesu tti ootembeleliwa!” Nave khaavo oyo anawora ollota wi, “Yesu tti Apwiya,” ahihoollelliwe ni Munepa Waweella.

Afilipi 2:11

Nave ddittheddene ddineerewaakhullella wi, “Yesu Khrisitu tti Apwiya,” o ntitimiho na Mulluku Attiitthiihu.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.