Yohane 13:13 - Mawu a Mulluku

¹³ Nyuwaano munakeera ‘Ahuddihi’ Navettho ‘Apwiya.’ Munnallota phaama vawi miyaano tti yooyo.

Yohane 13:13 ပူးပေါင်းရင်းမြစ်များ

Luka 6:46

“Munakiithanella tini wi, ‘Apwiya, Apwiya,’ muheeraka kinalloteemi wa nyuwaano?

Afilipi 2:11

Nave ddittheddene ddineerewaakhullella wi, “Yesu Khrisitu tti Apwiya,” o ntitimiho na Mulluku Attiitthiihu.

1 Akorinto 12:3

Kinapaalla mudduwelle wi khaavo oyo anahoollelliwa ni Munepa a Mulluku anawora ollota wi, “Yesu tti ootembeleliwa!” Nave khaavo oyo anawora ollota wi, “Yesu tti Apwiya,” ahihoollelliwe ni Munepa Waweella.

Yohane 11:28

Marita allotilleeye ella, aamwiithana mwanamunne Mariya vaweekhiiwa nave aamulleella wi, “Ahuddihi aaphiya nave ennawiithana weyaano.”

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Yakobo 2:19

Weyaano onnakhulupilila wi Mulluku tti mmoddave, onneera phaama. Naarithi minepa ddoonanara ddinnakhulupililattho nave ddinnatthukumella.

Luka 10:28

Yesu aamulleella wi, “Wohaakhulla phaama. Khawe weere ddennddo nave oneerewaakhella okumi woohimalla.”

Luka 7:43

Simoni ahaakhulla wi, “Kineesa oyo akongonle ddawaatooyo.” Nave Yesu aallota wi, “Wohaakhulla phaama.”

Yeremiya 1:12

“Wohoona phaama. Kinnoonesesa wi nnddo kallotilleemi ddeereye.”

Mateyu 20:28

wonanko mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

Yohane 11:2

Mariya yoolla tti olle aazozille Apwiya makhura a nthuko naphaama ni waapukuta manyallwiiwa ni meehaaye. Lazaro oovoriiwooyo aari murokoriye.

Yohane 11:3

Vano arokoriyaayo yaamurumiha amithenga wa Yesu, allota wi, “Apwiya, mukhwiinyu ookondiwa animavoriiwa.”

Aefeso 6:9

Nave Apwiya nyu, mukhallekena phaama akaporwaanyu nave muhiye owoopopiha. Munnadduwella wi nyuwaano vamodda ni akaporwaanyu mookhalla ni Apwiya amodda oddullu, ayo anamweeruza arive muthu moohiweha ekhove.