Yohane 13:1 - Mawu a Mulluku

¹ Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 13:1 ပူးပေါင်းရင်းမြစ်များ

Yohane 12:23

Nave Yesu ahaakhulla wi, “Enthawi yoophiya vano yawi mi Mwaana a Muthu kititimihiwe.”

1 Yohane 4:19

Ninnakonda kaambiiwa Mulluku aari awaamba onikonda.

Yohane 13:34

Nave kinuuwiherani lamulo nanaanweene wi mukondaneke mmodda ni mukhwaaye. Mukondaneke mmodda ni mukhwaaye wonanko mmo kinuukondelleemini.

Yohane 16:28

Kaavenyera wa Attiitthaaka oya mu ellapo yavatthi nave vano kinimavenyamo mu ellapo yavatthi ohokollweella wa Attiitthaaka.”

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

Yohane 18:4

Yesu aadduwella ddittheddene ddawa wi ddimweereyelle, sika ahiimella aakoha wi, “Munamwaasha aani?”

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

Yohane 17:16

Yaayo khenakhalla a ellapo yavatthi wonanko miyaanottho nginakhalla a ellapo yavatthi.

Yohane 17:1

Yesu amanlleeye ollota nndda aaweha oddullu allota wi, “Attiitthaaka, enthawi yoophiya. Kititimiheni miyaano Mwaninyu wi nameenettho kuutitimiheni nyuwaano.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Mateyu 26:45

Vatulli viwa Yesu aahokollweella wa oohudderaaye allota wi, “Munimakona ni wiithuuwa? Enthawi yookwakhwana yawi mi, Mwaana a Muthu, kivelleelliwe wa athu oochimwa.

1 Petro 1:13

Sika vano, maganizwaanyu ekhalle ookhozeka. Chenjerani nave mutiyerelle wunchichi va echisomo eyo enaavahiwe wa nyuwaano Yesu Khrisitu uupullulliwa.

Aheberi 6:11

Ninnapaalla wunchichi wi arive muthu a nyuwaano avirellelle wooniha ollipa murima ophiyera omamallihelloni, mvo ddeko munatiyereenyu ddinaakwakhwanihiwiiwa.

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

Aroma 8:37

Koma mu ddeko ddittheddenenndda ninnapambana wunchichi oweella mwa olliyooyo ananikonda hiyaano!

Yohane 17:26

Nave kahaadduwelliha nyuwaano nave kineerovirellella weera ddiiddo. Vano echikondi muriinyuna mwa miyaano ekhalle mwa alliwa nave miyaanottho kikhalle mwa alliwaayo.”

Yohane 14:28

Mwaakiiwa killotaka wa nyuwaano wi, ‘Kinimarowa nave kineerohokollowa wa nyuwaano.’ Mwaakikondilleke, mwaawerohakallalla wi kinaya wa Attiitthaaka vawi Attiitthaakaayo tti uullupalli ohiyana ni miyaano.

Yohane 11:55

Vano Ehakallallo ya Paska a Ayuda yahaatamella. Sika athu anchichi yaavenyera m'muzi oya o Yerusalemu Paskooyo ahinaphiye wi yeellihiwe.

Yohane 7:30

Vano athu amodda yaapaalla omphara koma khaavo aworille weere ello va olliye kaambiiwa enthawaaye yaari ehinaphiye.

Yohane 7:6

Yesu aallota wi, “Enthawaaka khenaphiye koma wa nyuwaano erive enthawi tti yaphaama.

Yohane 6:4

Nave enthawi ya Ehakallallo ya Paska a Ayuda yahaatamella.

Luka 22:53

Nllapo ni nllapo kaanakhalla ni nyuwaano mu enyumba ya Mulluku koma khamwaakimakille. Olla sika mpataanyu vawi munalamulelliwa ni masiva a epiphi.”

Luka 9:51

Mallapo yaatamelliiwa awi Yesu awellihiwe aye oddullu, aaganizera wi aye o Yerusalemu.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Yeremiya 31:3

mi kaawooneyella kiri voorekamella. Nyu Aisraele, kinnuukondani ni echikondi yoohisintheya nave kinnavirellella ni echikondaaka yoohisintheya wa nyuwaano.

Yohane 8:20

Yesu aallotille nndda ahuddiheeye mu enyumba ya Mulluku vakhuviru ni moosungellamo ddoovelleella. Nave khaavo muthu amphanre kaambiiwa enthawaaye yaari ehinaphiye.

Miyambo 8:31

Kaanahakallalla mu ellapwiiwa yookhallamo athu, kaanathapella ni anamwani a athu.

Yohane 2:13

Enthawi ya Ehakallallo ya Paska a Ayuda yahaatamella, sika Yesu aaya o Yerusalemu.

Yohane 13:29

Vawi kaambiiwa Yudasi aari oosunga nthumba na makobiri, amodda yaaganiza wi Yesu amulleella wi akulle ddoopaalleya dda va Ehakallallo ya Paska. Apaalle wi aavahe makobiri athu oohoowa.

Yohane 14:31

Koma mwawi ddiidda athu a ellapo yavatthi eneerodduwella wi kinnaakonda Attiitthaaka ni weere erive ello eyo yakilamulalliiwa. “Hankoni nivenyewo wuno.

Yohane 19:28

Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”