Koma ollello, nyuwaano moomukhoota Mullukwaanyu oyo uuvullusalleni mu ddoohoosa ni ddookatamiha ddanyu. Munallota wi, ‘Iyaayi! Koma muninnye mwene oonilamulella.’ Vano mutthukumane vamiitthoni va Apwiya moollikana ni mallokwaanyu ni mabanjaanyu.”
Koma Yesu ahaaweha, aakoha wi, “Vano mawu a Mullukwaalla enattaphullella wi tini? ‘Nlluku nno nakhootiwe ni oomaka enyumba nenno naakhalla nlluku noopaalleya.’
Muthu aawulliwaka muru ekaamba ya miyaano ni mawaaka vano mi Mwaana a Muthu kineerowulliwa muru ni olliye kaawaaka mu ntitimiho naka ni ntitimiho na Attiitthaaka ni angelo aweella.
Yesu aallotattho wi, “Tti woophwanella wi mi, Mwaana a Muthu, kihoosiwe wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo.* Kineerewiiphiwa koma vavira mallapo mararu kineerovenyihiwa wa ookhwa.”
Yesu ahaamba waahuddiha oohudderaaye wi tti woopaalleya wi olliyooyo, “Mwaana a Muthu, aneerohoosiwa wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenya wa ookhwa.”
Ddawoona, kinimuulleellani wi, va nllapo na echiweruzo, Mulluku aneeroweerella echifundo yinchichi athu a Sodomu ni Gomora, waakhwaranya athu a mu etawoni yeella.
Opaalla wa oyo aakirumalle miyaano tti wawi kihimutathille arive muthu a ayo yaakivahilliiwa koma wi kaavahe okumi va nllapo noomallihella athu attheene ookhwa.
Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.
Nihisoseke o mitthukumano ddahu ddoollapella wonanko mmo eneerella amoddaayo. Koma hankoni nillipihane mwiilli vawi munnadduwella wi nllapo na Apwiya nohaatamella.
Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.
Koma oddullu ni ellapo yavatthi erivweella ennasungiwa ni malamulo a Mulluku yaayo wi yoonongiwe ni munllo. Ddinnasungelliwa nllapo nno athu oohimullapella Mulluku eneeriiwa yeeruziwe ni woonongiwa.