Yohane 12:43 - Mawu a Mulluku

⁴³ Vawi yaakonda waakhella olemu wa athu ohiyana ni waakhella olemu wa Mulluku.

Yohane 12:43 ပူးပေါင်းရင်းမြစ်များ

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

Yohane 5:41

“Mi nginaashaasha otitimihiwa ni athu.

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

1 Atesalonika 2:6

Khanaapanlle waakhella olemu ovenyera wa arive muthu naari ovenyera wa nyuwaano apaalle wa amodda.

2 Akorinto 10:18

Muthu oyo aniitetheella yeekha khanaakhullelliwa koma oyo anatetheelliwa ni Apwiya.

Mateyu 6:2

“Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Yohane 8:54

Yesu ahaakhulla wi, “Kaariki kiititimiheke meekhaaka, ntitimiho naka khanaakhalle ni mutteko. Attiitthaaka ayo munalloteenyu wi tti Mullukwaanyu sika enakititimiha miyaano.

Luka 19:17

Mwenoolle aallota wi, ‘Woheera phaama, we mullupa mutteko aphaama! Kaambiiwa waaroromelleya va ddeko dding'onong'ono, oneerokolamulella mizinda khumi.’

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

1 Petro 3:4

Koma oreera wanyu onaphwanella okhalleke wa muwari mwanyu, oreera wa murima, wawiithaalla ni woomaalleya vawi nndda sika ddoopaalleya wunchichi ni ddoohimalla vamiitthoni va Mulluku.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Masalimo 22:29

Athu attheene eeyuuma eneeromukokhorella. Naari athu attheene ekhwaka ehiworaka osunga okumiiwa koma eneerewaakokhorella, ni ayo ehinawora wiisungella okumiiwa.

1 Samuele 15:30

Vano Saulo aallota wi, “Mi koochimwa komave mukivahe olemu vamiitthoni va owaahoollella athwaaka ni vamiitthoni va Aisraele attheene nave mwaarowaka nithaanane wi kaallapelle Apwiya Mullukwaanyu.”

Miyambo 29:25

Omoova muthu tti wonanko wiireya musampha koma oyo anaaroromella Apwiya aneerovulluwa.

Yohane 7:18

Muthu oyo anallota dda m'muruni mwaye anapaalla ntitimiho na yeekha. Koma oyo anapaalla ntitimiho na oyo aamurumalle, olliye tti awoona nave kheyiivo yawoottha mwa olliyooyo.

Aroma 2:29

Koma Muyuda awoona tti muthu oyo ari Muyuda muwari, oophaddiwa m'murimani mwaye. Nave ella eneereya ni Munepa a Mulluku, ohiri ni malamulo oolembiwa. Muthu yooyo annatetheelliwa ni Mulluku, ohiri ni athu.