Yohane 12:42 - Mawu a Mulluku

⁴² Vano attekweene a Ayuda* anchichi yaamukhulupilila Yesu. Koma ekaamba ya Afarisi khayooniha vaweella woova wi kheyaakhullelliwa ovollowa mu enyumba yamavekello.

Yohane 12:42 ပူးပေါင်းရင်းမြစ်များ

Yesaya 51:7

Nyu oodduwella echilungamo, ngiiwani, nyu oosunga malamulwaaka m'murimani. Muhoove athu yaawuuhumullullakani, muhitathille murima yaawuunyaambusakani.

Yohane 9:22

Makhollwaayaayo yaallotille ddenndda kaambiiwa yawoova attekweene a Ayuda vawi Ayudaayo yahiiwanana khalle wi arive muthu oyo anaallote wi annakhulupilila wi Yesu tti Mesiya* ahaakhullelliweke ovollowa mu enyumba yamavekello

Yohane 7:13

Koma khaavo muthu aallotille dda olliye mwawooneya ekaamba yoowoova attekweene a Ayuda.

Miyambo 29:25

Omoova muthu tti wonanko wiireya musampha koma oyo anaaroromella Apwiya aneerovulluwa.

Mateyu 10:32

“Sika arive muthu anaakhullella wi tti aaka vamiitthoni va athu, miyaanottho kineeromwaakhullella vamiitthoni va Attiitthaaka oddullu.

1 Yohane 4:15

Muthu aakhullella wi Yesu tti Mwaana a Mulluku, annakhalla mu eyaattano ni Mulluku nave Mulluku annakhalla mu eyaattano ni olliyooyo.

1 Yohane 4:2

Mmu sika munaaworeenyu odduwella wi tti Munepa a Mulluku. Arive muthu anaakhullella wi Yesu Khrisitu aawa wonanko muthu ookhalla ni Munepa woovenyera wa Mulluku.

Aroma 10:10

Vawi ninalungamihiwa vamiitthoni va Mulluku ekaamba ya echikhulupilwaahu nave ninavullusiwa ekaamba ya waakhullella wahu.

Mitteko 5:41

Amurummwaayo yavenyilliiwa o nthatoni namillatu nko, yaahakallalla wi Mulluku aaweerengella alliwaayo wi tti woophwanella ohoosiwa ekaamba ya nnddina na Yesu.

Yohane 19:38

Emanlle yeella, Yosefe o Arimateya, aamuveka Pilato wi avenyihevo mutembo wa Yesu. Yosefe aari oohuddera a Yesu mwawiipittha kaambiiwa awoova attekweene a Ayuda. Pilato ahaakhullella sika Yosefe aaya avenyihavo mutemboolle.

Yohane 16:2

Khamwaakhullelliwa ovollowa mu enyumba ddamavekello* nave enthawi eneerophiya yawi arive muthu oyo anaawiipheni nyuwaano anaaganizekeeye wi anamurumeyella Mulluku.

Yohane 12:11

Vawi ekaamba ya Lazaro Ayuda anchichi yaanaahiya alliwaayo enakhulupilila mwa Yesu.

Yohane 11:45

Anchichi a Ayuda, ayo yawiille wa Mariya nave yoona eyo Yesu eerilleeye, yaakhulupilila mwa olliyooyo.

Yohane 9:34

Yaamwaakhulla wi, “We waari khalle oochimwa wayariweewe. Nave weyaano ttuunihuddiha hiyaano?” Vano kheyaamwaakhullenlle ovollowa mu enyumba yamavekello ovenyera nllapo nenno.

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Luka 12:8

“Kinimuulleellani nyuwaano, muthu anaakhullella wi tti aaka vamiitthoni va athu, miyaanottho Mwaana a Muthu, kineeromwaakhullella vamiitthoni va angelo a Mulluku.

Luka 6:22

“Oodalisiwa tti nyuwaano athu yawiitani, yuukhootani, yuullotellani epewe ni wuullotellani wi tti oonanara, ddittheddenennddo kaambiiwa muri oohuddera a miyaano Mwaana a Muthu.

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Yesaya 57:11

Apwiya enallota wi, “Ethiyo tti milluku ddiivi nnddo mwaddoonilleenyu munaddoova ophiyera mwaakitiwallesesa oohikipwatha? Ethiyo moohiya okoova ekaamba yawi koheera ellapo tuu va enthawi yoorekama?

Yeremiya 38:19

Koma mwene Zedekiya aamulleella Yeremiya wi, “Kinawoova Ayuda yathawenlle khalle wa Ababiloni. Kinoova wi Ababiloni ttuukivelleella wa Ayudaayo nave alliwa ttuukihoosa.”

Luka 23:13

Pilato aamwiithana allupa mukutho uullupalli, attekweene a Ayuda* ni athu attheene.

Yohane 7:31

Nave anchichi yaamukhulupilila ellota wi, “Ethiyo Mesiya ninamutiyerehooyo, aneereweera ddoottikhiniha ddinchichi omukhwaranya muthu yoolla?”