Yohane 12:40 - Mawu a Mulluku

⁴⁰ “Mulluku aaweeriha miitthwiiwa okhalla oohoona, ahummiha mirima ddiwa. Ddahaariki ddiiddo miitthwiiwa yaweerekowoona, nave mirima ddiwa ddeerekewiiwesesa, wi emurukunuwelle olliye wi aachirihe.”

Yohane 12:40 ပူးပေါင်းရင်းမြစ်များ

Yesaya 6:10

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Luka 8:10

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo kinaallotella m'maphwanaphwanihoni wi woona yooneke koma ehidduwelleke nave wiiwa yiiweke koma ehiiweseseke.

Mariko 4:12

Nndda ddiri ddiidda wi, ‘Ennaweha, koma khenoonesesa, nave enniiwa, koma kheniiwesesa. Vawi yeerilleke ddiiddo yaaweerorukunuwella wa Mulluku nave aaweerewaakhululukella.’ ”

Yesaya 29:10

Apwiya yohuukonihani ekhove ddookhwana, yohuukhuneellani miittho, ayo tti anamallotella nave yohuukhuneellani omuruni, ayo tti oollohella.

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

Yohane 9:39

Yesu aallota wi, “Kaawa mu ellapo yavattheella wi keeruze wi ayo ehinoona yoone nave ayo enoona ekhalle oohoona.”

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Hoseya 14:4

Apwiya enallota wi. “Kineerochiriha ereetiiwa ya ohiroromelleya, kineerewaakonda ni murimaaka muttheene vawi koohiya waashella murima.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Ezekiele 12:2

“We mwaana a muthu, onakhalla variyari va athu oowukila. Alliwa aakhallana miittho awoonella koma khenoona. Aakhallana maaru awiiwella koma kheniiwa.

Yeremiya 3:22

Nyu athwaaka oohiroromelleya hokollweellani wa miyaano, kineerewuuchirihani wi mukhalle ororomelleya. Nyu munallota wi, “Ninimawa wa Apwiya vawi alliwa tti Mullukwaahu.

Masalimo 147:3

Ennaachiriha athu a murima woovoreya, ennaamaka makhwatiiwa.

Masalimo 41:4

Vano kaallota wi, “Nyu Apwiya, keerelleni echifundo, kichiriheni vawi kohuuchimwellani.”

Masalimo 6:2

Apwiya keerelleni echifundo, vawi miyaano tti oofooka Apwiya kichiriheni, vawi makhuvaaka aheengereya.

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.

Deuteronomo 29:4

Koma ophiyera ollello Apwiya khenuuvaheni murima wawiiwesesa apaalle miittho wi moone apaalle maaru wi mwiiwe.

Aroma 9:18

Sika vano Mulluku annamweerella echifundo arive muthu anapaalleeye omweerella. Nave annamuumiha murima arive muthu anapaalleeye omummiha.

Mitteko 28:26

Vawi aallota wi, ‘Khawe, wallote ni athwaalla wi, wiiwa munniiwa koma khamuniiwesesa woona munnoona koma khamudduwellesesa.

Mateyu 15:14

Muhaapwatheke! Yaayo tti oohoollella oohoona owaahoollella akhwiiwa oohoona. Vano oohoollella oohoona amuhoollella oohoona mukhwaaye, eelli attheene eneeromorihellana munllitini.”

Ezekiele 14:9

“Namallotella allekiwa anallotella, tti miyaano kimullekille. Sika kineeromoononga nave kineeromuvenyiha variyari va athwaaka Aisraele.

Yeremiya 5:21

nyu anamwani ookarangeya, oohikhalla ni ezeru, apellani maaru. Miittho mookhallana koma khamunoona nave maaru mookhallana koma khamuniiwa.”

Mitteko 15:3

Vano Mpingo waarumihalliiwa nave yavirelliiwa o ezigawo dda Fenisiya ni Samariya, yaavuwiha dda orukunuwa murima wa athu ayo ehiri Ayuda nave epilli yeella yahaahakallalliha ookhulupilila attheene.

Mariko 6:52

kaambiiwa yaari ehiniiwesese ottaphullella wa ochiha athu 5,000 vawi yaari awumma mirima.

Yesaya 53:5

Yaamuhoma ekaamba ya machimwaahu, yaamuphinyulla ekaamba ya ddoolakwa ddahu. Ollaka nko wamumorenlle olliye woonivaha hi murendelle, makhwataaye aanichiriha.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Eksodo 14:17

Kineerewummiha murima Aiguputwaayo, sika wi eneerewaathwara Aisraele. Nave vaweerani ddiiddo kineeromugonjiha Farao ni akhotwaaye, magaretaaye ni oowella va akavalo wi kititimihiwe.

Eksodo 14:8

Apwiya yaamummiha murima Farao, mwene a o Iguputo nave olliye ahaathwara Aisraele ayo yavenyillewo mookotella.

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Eksodo 7:13

Farao ahummave murima nave khaapwathille nnddo yamulleelliiwa moollikana ni mmo Apwiya yallotelliiwa.

Eksodo 7:3

Komathi kineeromummiha murima nave naari keereve ddoottikhiniha ni ezizindikiro ddinchichi o Iguputo,

Eksodo 4:21

Apwiya yaamulleellattho Mose wi, “Mvo onahokollweelleewe o Iguputo, weere vamiitthoni va Farao ezizindikiro ddoottikhiniha ddittheddene nnddo kuuvahilleemi masiva aweerella. Koma kineeromummiha murima nave khaakhullella wi athwaaka evenyemo.

1 Mamwene 22:20

Apwiya yaakoha wi, “Ethiyo ttaani anaamulleke Ahabu wi iiphiwe o Ramoti Giliyadi?” Mmodda allota ddimodda mmodda ddimodda.

Eksodo 9:12

Koma Apwiya yaamummihave murima Farao sika khaawiiwellelle Mose ni Aroni moollikana ni mmo Apwiya yallotelliiwa.

Eksodo 10:1

Vano Apwiya yaamulleella Mose wi, “Oye wa Farao. Kohummiha murima wa Farao ni wa enduna ddaye wi kiwoonihe ddoottikhiniha ddittheddenenndda variyari viwa

Eksodo 11:10

Sika Mose ni Aroni yaheera ddoottikhiniha ddittheddenendda vamiitthoni va Farao. Koma Apwiya yaamummiha murima Faraooyo nave khaawaakhullelle Aisraelaayo wi evenyemo mwiillaponi mwaye.

Yesaya 6:9

Nave Apwiya yaallota wi, “Khawe waalleelle athu yaalla wi, ‘Wiiwa munniiwa koma khamuniiwesesa nave woona munnoona koma khamudduwellesesa.’

Yohane 12:39

Sika kheyaaworille okhulupilila kaambiiwa Yesaya aallotattho wi,