Yohane 12:28 - Mawu a Mulluku

²⁸ Sika Attiitthaaka onihellani ntitimiho nanyu!” Vano mawu yahiiweya ovenyera oddullu awi, “Kohooniha ntitimiho naka nave kineerewooniha wiilli.”

Yohane 12:28 ပူးပေါင်းရင်းမြစ်များ

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

2 Petro 1:17

Vawi aavahiwa ntitimiho ovenyera wa Mulluku Attiitthinnya, oyo anaromolliwa wi Ntitimiho Nuullupalli nave oyo allotille wa olliye wi, “Olla sika Mwanaka ookondiwa, mwa olliye kinnahakallalla wunchichi!”

Aefeso 3:21

wa olliye okhalle ntitimiho mu mpingo ni mwa Khrisitu Yesu enthawi ddittheddene, ophiyera enthawi ddoohimalla. Amen.

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

Aefeso 2:7

Enre ddenndda wi oonihe opambana wawunnuwa wa echisomwaaye enthawi ettheene ya muhoollo mu echikondi ananooniheeye mwa Khrisitu Yesu.

Yohane 18:11

Yesu aamulleella Petro wi, “Hokollosella nsupada nawo mu nigonelo mwiwa! Ethiyo kihimuwirye kapu a ddoohoosa oyo Attiitthaaka yaakivahilliiwa?”

Yohane 11:4

Yesu iiwalleeye aallota wi, “Ovoriiwanko khori wookhwana koma tti ekaamba ya ntitimiho na Mulluku wi miyaano Mwaana a Mulluku kititimihiwena.”

Yohane 9:3

Yesu ahaakhulla wi, “Khe wi muthu olla aachimwa apaalle attiitthinnya ni amennya koma ayariwe oohoona wi mitteko dda Mulluku ddooneye mwa olliye.

Luka 9:35

Vano mawu oovenyera m'muraponimmo yaallota wi, “Olla sika Mwanaka ootthoolliwa. Mwiiwellelleni!”

Luka 3:22

Nave Munepa Waweella aakitthella va olliye, awooneya wonanko ekhunda. Vano mawu yahiiweya ovenyera oddullu wi, “We tti Mwanaka ookondiwa. Kinnahakallalla ni murimaaka muttheene ni weyaano.”

Mariko 14:36

Nave avekellattho wi, Abba, Attiitthaaka ddeko ddittheddene ddinaworeya ni nyuwaano. Mukivenyiherevo kapu a ddookatamihoolla. Ohiri opaalla waka koma opaalla wanyu weereye.”

Mariko 9:7

Nave allotaka ddiiddo, waawa murapo waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana, mwiiwellelleni.”

Mariko 1:11

Vano mawu yahiiweya ovenyera oddullu wi, “We tti Mwanaka ookondiwa. Kinnahakallalla ni murimaaka muttheene ni weyaano.”

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Mateyu 11:26

Ee, Attiitthaaka, nndda ddeereye kaambiiwa ddahuuhakallallihani.