Yohane 12:20 - Mawu a Mulluku

²⁰ Agriki* amodda yaari nimodda ni ayo yawiille o Yerusalemu woomullapella Mulluku va Ehakallallo ya Paska.

Yohane 12:20 ပူးပေါင်းရင်းမြစ်များ

Yohane 7:35

Attekweene a Ayuda yaakohana wi, “Anaaye wuuwi wi hiyaano nihimuphwanye. Apaalle anaaye o mizinda dda athu ayo ehiri Ayuda wi aahuddiheke yaayo, nko athwaahu epallalleyelliiwawo?

Mitteko 17:4

Amodda a athwaayo yaakopeya yaathwara Paulo ni Sila navettho mulloko muullupalli wa Agriki* ayo yamullapella Mulluku ni atthiyana oohoollella anchichi yahaathwara.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Mitteko 8:27

Nave aavenya ayaawo. Vano waakhalla muthu mmodda oohulliwa* oovenyera o Etiyopiya. Olliye aarittho muullupalli oomurumeyella Kandake, mwene aamutthiyana a o Etiyopiyanko ni oowehera eyuumaaye ettheene. Awiille o Yerusalemu wi amullapelle Mulluku.

Mariko 7:26

Mutthiyanooyo aari Mugriki* mmodda ooyariwa o echigawo ya Fenisiya o Siriya. Aamuveka Yesu wi akhumihe munepa woonanara mwa mwanayooyo.

Agalatiya 2:3

Mukhwaaka Tito naari tti Mugriki,* khaawatiheriwe wi aphaddiwe.

Mitteko 21:28

Yaakhuwa wi, “Aisraele nyu! Nikavihereni, olla sika muthu olle ayiille virive veko ahuddihaka ddawaavaanyiha Aisraele, malamulo a Mose ni enyumba ya Mulluku. Navettho ohaavollochiha athu ayo ehiri Aisraele mu enyumba ya Mulluku nave anaripiha nipuro noopatuleyanna!”

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 16:1

Paulo ni Sila yaaphiya o Derbe ni Listara, wenko yaamuphwanyawo oohuddera mmodda nnddina naye Timoteo. Amennyattho yaari ookhulupilila, yaarittho Muyuda nave attiitthinnya yaari Mugriki.*

Mitteko 14:1

Ddeko ddeereye o Antiyokeya* ddaheereyattho o Ikonio. Paulo ni Baranaba yaavollowa mu enyumba yamavekello nave ellalleya wawi Ayuda anchichi owaakattho athu ayo ehiri Ayuda yaakhulupilila.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Aroma 10:12

Nndda tti dda arive muthu kaambiiwa khuwaavo ohiyana variyari va Ayuda ni athu ayo ehiri Ayuda vawi attheene eri ni Apwiya amodda a athu attheene nave annaadalisa wunchichi attheene enamwiithana olliyooyo.

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Yohane 12:1

Ehanlle mallapo matthanu ni nimodda Paska ahinaphiye, Yesu aaya o Betaniya owaniwa wa Lazaro, muthu olle Yesu aamuvenyihalleeye wa ookhwa.

Yohane 12:19

Vano Afarisi* yaallota mmodda ni mukhwaaye wi, “Munnoona wi noolephela vano! Ngoonani, ellapo yavatthi ettheene enamuthwara olliye.”