Yohane 12:2 - Mawu a Mulluku

² Yaamukhozera yoocha wenko. Marita aarumeyella nave Lazaro aari mmodda a yaayo yachana vamodda ni Yesu.

Yohane 12:2 ပူးပေါင်းရင်းမြစ်များ

Yawuupullulla 3:20

Ngoonani, kiimenlle vamullakoni nave kinnookotha. Muthu iiwa mawaaka nave ahulla nchiwi, kineerovollowa kichena vamodda.

Luka 22:27

Muullupalli ttaani? Oyo anacha apaalle oyo anamurumeyella? Tti oyo anacha. Koma miyaano kiri variyari vanyu wonanko oorumeyella.

Mariko 14:3

Yesu aari o Betaniya mpa mwa Simoni muthu amakatoolle. Yesu achaka, mutthiyana mmodda aawa wa olliyooyo ni makhura a nthuko naphaama oowallamella mutengo ooromolliwa nado mu yookusella. Nave aapwesa etthoka ya yookuselleeyo aamiminella vamuruni va Yesu.

Luka 14:12

Nave Yesu aallota wa muthu amwiithanillooyo wi, “Waavahaka yoocha yootthaana apaalle yamisikuwa ohiwiithaneke akhwaawo apaalle abalaawo apaalle a nlloko nawo apaalle awaatamanana eeyuuma vawi ni alliwattho eneerowiithana wi yuuhokolloselle.

Luka 12:37

Oodalisiwa tti allupa mutteko ayo pwiiwa aawaaka anaaphwanyeeye ehinakone, emutiyeraka! Ddawoona, kinimuulleellani wi, pwiiwooyo aneerom'makella laambaaye, aakeraatthiha voochella nave aamba waarumeyella.

Luka 5:29

Nave Levi aamukhozera Yesu machellello onyumbani waye. Nave wenko waakhalla mulloko muullupalli wa ookhomiha misonkho ni athu amodda ayottho yachille ni alliwaayo.

Mateyu 26:6

Yesu aari o Betaniya mpa mwa Simoni, muthu amakatoolle.

Nchipo na Solomoni 4:16

Venya, we ephevo ya ompoto, owe wuno, we ephevo yoomwera. Woope m'matani mwaka, wunkhellesesa wiwa okwakhwanelle viriveveko. Ookondiwaaka avollowe m'matani mwaye, ache ezipaso ddaye ddoonang'aneya.