Yohane 11:9 - Mawu a Mulluku

⁹ Yesu ahaakhulla wi, “Otthaana onakhalla maora khumi ni meelli, khe ddiiddo? Muthu eeta otthaana khanakwakwatuwa vawi annoona ekaamba ya owala wa ellapo yavatthi.

Yohane 11:9 ပူးပေါင်းရင်းမြစ်များ

Yohane 9:4

Ninaphwanella weera mitteko dda yooyo aakirumalle miyaano ori otthaana. Mahiiyu onimawa nave vano khaavo muthu anaawore ophara mutteko.

Yohane 12:35

Yesu ahaakhulla wi, “Owala onaakhalle ni nyuwaano mu enthawi yooyeva. Etani vano muriinyuna owala wi epiphi ehuuphwanyeni. Oyo aneeta mwiipiphini khanadduwella nko anayeeye.

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Miyambo 3:23

Vano oneerekeweeta mu ettilla ddawo moohoova nave nnyallo nawo khanikwakwatuwaka.

Yohane 11:10

Koma muthu eeta mahiiyu annakwakwatuwa vawi khanna owala.”

1 Yohane 2:10

Ayo enaakonda asinniwa ni arokoriwa enakhalla mu owala nave kheyiivo emodda mwa alliwaayo enaawaakwakwatuwihe.