Yohane 11:55 - Mawu a Mulluku

⁵⁵ Vano Ehakallallo ya Paska a Ayuda yahaatamella. Sika athu anchichi yaavenyera m'muzi oya o Yerusalemu Paskooyo ahinaphiye wi yeellihiwe.

Yohane 11:55 ပူးပေါင်းရင်းမြစ်များ

Yohane 12:1

Ehanlle mallapo matthanu ni nimodda Paska ahinaphiye, Yesu aaya o Betaniya owaniwa wa Lazaro, muthu olle Yesu aamuvenyihalleeye wa ookhwa.

Yohane 6:4

Nave enthawi ya Ehakallallo ya Paska a Ayuda yahaatamella.

Yohane 2:13

Enthawi ya Ehakallallo ya Paska a Ayuda yahaatamella, sika Yesu aaya o Yerusalemu.

Eksodo 19:10

Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa,

Genesis 35:2

Sika Yakobo ahaalleella a mu nibanja naye nittheene ni athu attheene aariiyena wi, “Tathillani milluku ddeelleto nnddo ddiri variyari vanyu. Muddeellihe nyookhaanyu nave muware ddoowara ddaphaama.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

1 Akorinto 11:28

Sika vano, muthu anaphwanella wi aambeke oddoona yeekhaaye nave amucheke buledooyo ni omuwiryella kapu.

Mitteko 24:18

Keeraka ddenndda, yaakiphwanya mu enyumba ya Mulluku, kimallihalle ehakallallo yooddeelliha. Khuwaarivo mulloko wa athu naari mapokoso.

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 5:1

Ddimallille nndda Yesu aaya o Yerusalemu o Ehakallallo ya Ayuda.

Yohane 2:6

Ayuda aakhalla ni malamulo a meellihello. Nave ekaamba ya yeella vaakhalla mino dditthanu ni mmodda. Orive muno woophwanella oddalla ni maaddi owaatamella malita 100.

Mariko 14:1

Vahanlle mallapo meelli wi niphiye nllapo na Paska ni Ehakallallo ya Buledi Oohikhalla ni Yisiti. Allupa mukutho uullupalli ni ahuddihi a malamulo* yahaashaasha ekaamba yoom'makella ni omwiiphella Yesu moowiipittheya.

Mateyu 26:1

Yesu amallihalle ohuddiha, aallota wa oohudderaaye wi,

Masalimo 26:6

Kinnanawa wooniha wi ngichimmwe, kinnuullapellani va nikuwa nanyu na mukutho, nyu Apwiya.

Yobu 1:5

Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

1 Samuele 16:5

Samuele ahaakhulla wi, “Ee, kaweella waarera. Kaweella waaheraatthella mukutho Apwiya. Muddeellihe nave niye naheraatthi mukutho.” Samuele aamupatula Yese ni anaaye aallopwana nave aamwiithana wi yavelleellena mukutho.

Numeri 9:6

Vaakhalla athu amodda ayo yaari yiiripihalle voottannyani mutembo, sika wi kheyaawonre weerana Ehakallallo ya Paska va nllapo nenno. Sika yaawa wa Mose ni Aroni,

Numeri 9:10

“Alleelle Aisraele wi, arive muthu mwa nyuwaano apaalle mwa edduullu ddanyu iiripiha voottannyani mutembo apaalle akhalla voolendoni koma aapaallaka weerana Ehakallallo ya Paska a Apwiya,

Mateyu 26:2

“Munnadduwella wi vavira mallapo meelli, vineerokhalla Paska. Vano mi, Mwaana a Muthu, kineerovelleelliwa wi katthomeyiwe vamutandani.”

Luka 22:1

Ehakallallo ya Buledi Oohikhalla ni Yisiti, yooromolliwa Paska, yahaatamella.

Mitteko 21:24

Mwaakuse muye mwakhallena va Ehakallallo ya makhallello ooddeelliha. Nave mwaavahe makobiri awi yallivelle voochemani meehi. Mweera ddiiddo athu attheene eneerodduwella wi tti ddawoottha nnddo yiiwalliiwa nave wi nyuwaano munnapwatha malamulo a Mose.

Mitteko 21:26

Osaka wene Paulo ahaakusa athwaayo nave olliye ni athwaayo yaheellihiwa. Nave aavollowa mu enyumba ya Mulluku wi aalleelle dda enthawi ya omalliha wa ooddeelliha mvo mukutho wa arive muthu onaaheraatthiwiiwa.