Yohane 11:47 - Mawu a Mulluku

⁴⁷ Sika allupa mukutho uullupalli ni Afarisi yahiithaniha mutthukumano wa attekweene a millatu a Ayuda,* ellota wi, “Nineere tini hiyaano? Vawi muthoolla anneera ddoottikhiniha ddinchichi.

Yohane 11:47 ပူးပေါင်းရင်းမြစ်များ

Mateyu 26:3

Vano allupa mukutho uullupalli ni attekweene yaatthukumana mu enyumba yoomwene ya Kayafa, mullupa mukutho muullupalli.

Yohane 12:19

Vano Afarisi* yaallota mmodda ni mukhwaaye wi, “Munnoona wi noolephela vano! Ngoonani, ellapo yavatthi ettheene enamuthwara olliye.”

Yohane 11:57

Vano allupa mukutho uullupalli ni Afarisi yaalamula wi muthu mmodda adduwella nko ariiyewo, aalleelle wi yammake.

Yohane 2:11

Yesu aheera ddoottikhiniha ddawaambanndda o Kana o Galileya. Wenko ahuupullulla ntitimiho naye nave oohudderaaye yaamukhulupilila.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Mitteko 5:24

Ooholleella a oowehera o enyumba ya Mulluku ni allupa mukutho uullupalli yiiwalliiwa yeella, yaahalleelliwa nave yaanakhupanya eyo enaaweereye muhoollo.

Mitteko 5:21

Amurummwaayo yahiiwellella nave ohinase yaavollowa mu enyumba ya Mulluku yaamba ohuddiha. Mullupa mukutho muullupalli ni akhwaaye yaawiithana attekweene attheene a millatu a Ayuda omutthukumanoni wa vanthatoni namillatu. Vano yahaarumiha akhoto ondende wi yaakuse amurummwaalle eweena vamiitthoni viwa.

Luka 22:2

Allupa mukutho uullupalli ni ahuddihi a malamulo* yahaashaasha ettilla yawi emwiiphe Yesu koma yawoova athu.

Mariko 14:1

Vahanlle mallapo meelli wi niphiye nllapo na Paska ni Ehakallallo ya Buledi Oohikhalla ni Yisiti. Allupa mukutho uullupalli ni ahuddihi a malamulo* yahaashaasha ekaamba yoom'makella ni omwiiphella Yesu moowiipittheya.

Yohane 6:2

Nave mulloko wa athu muullupalli waamuthwara kaambiiwa yahoona ddoottikhiniha ddaye ddoowaachiriha oovoriiwa.

Yohane 7:32

Afarisi* yiiwalliiwa athu enong'onaka dda Yesu m'mullokoni mulle, alliwaayo ni allupa mukutho uullupalli yahaaruma akhoto a o enyumba ya Mulluku wi yammake.

Yohane 7:45

Akhotwaalle yahokollowilliiwa, allupa mukutho uullupalli ni Afarisi yahaakoha wi, “Khamuwiillena kaambiiwa tini?”