Yohane 11:42 - Mawu a Mulluku

⁴² Kinnadduwella wi munnakiiwa miyaano mallapo mattheene koma kinallota ella ekaamba ya athwaalla wi ekhulupilile wi mwaakiruma.”

Yohane 11:42 ပူးပေါင်းရင်းမြစ်များ

Yohane 3:17

Vawi Mulluku khaamurumalle Mwanaye wa ellapo yavatthi wi ayillake koma wi ayivulluse.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

1 Yohane 4:14

Nave nohoona nave vano niri amboni wi Attiitthiihu yaamurumiha Mwaniwa wi akhalle Oovullusa a ellapo yavatthi.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Yohane 20:31

Koma nndda ddiri mu nibukhu nenna ddoolembiwa wi mukhulupilile wi Yesu tti Mesiya,* Mwaana a Mulluku nave wi voomukhulupililani olliyooyo mukhallena okumi.

Yohane 17:25

Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.

Yohane 17:8

Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.

Yohane 11:22

Koma kinnadduwella wi ddeko ddittheddene munaavekeenyu wa Mulluku aneerewuuvahani.”

Mateyu 26:53

Ethiyo onaganiza wi ngaawore waaveka Attiitthaaka wi enthawi yeeyo ekirumihelle milloko dduullupalli dda akhoto dda angelo ddookhwaranya khumi ni meelli?

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

Yohane 11:31

Vano Ayuda ayo yaari mpa, emukhurumusaka murima, yaamoona Mariya atimullalle mwawaakuva akhumaka vaatte. Alliwaayo yaamuthwara vawi yaganiza wi anaya o mahame wi inlleke wenko.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

Yohane 8:29

Nave oyo aakirumalle miyaano ari ni miyaano, khaakihiyalle meekhaaka kaambiiwa kinneera ddennddove ddinamuhakallalliha olliye.”

Yohane 8:16

Koma kaarimi keeruzaka, echiweruzwaaka tti yawoona kaambiiwa khe miyaano meekhaaka kineeruza koma miyaano ni Attiitthaaka ayo yaakirumalle.

Yohane 11:43

Nave allotille nndda, aakhuwa wi, “Lazaro, khuma!”

Yohane 12:11

Vawi ekaamba ya Lazaro Ayuda anchichi yaanaahiya alliwaayo enakhulupilila mwa Yesu.

Yohane 12:17

Vano athu ayo yaari vamodda ni Yesu, valle aamwiithanneeye Lazaro wi akhume mu mahame ni omuvenyiha wa ookhwa yaanavuwiha ddamweereyelle Lazaro.