Yohane 11:40 - Mawu a Mulluku

⁴⁰ Yesu aallota wi, “Ngawuulleelle wi wakhulupilila oneerewoona ntitimiho na Mulluku?”

Yohane 11:40 ပူးပေါင်းရင်းမြစ်များ

Yohane 11:4

Yesu iiwalleeye aallota wi, “Ovoriiwanko khori wookhwana koma tti ekaamba ya ntitimiho na Mulluku wi miyaano Mwaana a Mulluku kititimihiwena.”

Masalimo 63:2

Vawi kinnapaalla woona masivaanyu ni ntitimiho nanyu wonanko mmo koonelleemi nipuro nanyu naweella.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

2 Epilli 20:20

Vano yaavenya ohinase eya yavollowa mu echipululu ya o Tekowa. Yakhumamwiiwa Yehoshafati ahiimella allota wi, “Nyu athu a o Yuda ni a mu Yerusalemu, apelleni maaru! Aroromelleni Apwiya Mullukwaanyu nave muneerokhalla ni masiva. Aroromelleni anamallotella nave muneeropambana.”

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Masalimo 90:16

Onihani mitteko ddanyu wa oorumeyellaanyu, masiva antitimiho nanyu wa aniiwa.

Yohane 9:3

Yesu ahaakhulla wi, “Khe wi muthu olla aachimwa apaalle attiitthinnya ni amennya koma ayariwe oohoona wi mitteko dda Mulluku ddooneye mwa olliye.

Yohane 12:41

Yesaya aallotille ddenndda kaambiiwa ahoona ntitimiho na Yesu nave allotella dda olliyooyo.

Eksodo 16:7

nave waasaka muneerewoona ntitimiho na Apwiya. Vawi ahiiwa okhupanya wanyu wowaavaanyiha. Ethiyo niri aani awi mukhupanyelleke wa hiyaano?”

Mateyu 17:20

Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

Mariko 9:23

Yesu aallota wi, “Kaaworaka? Ddittheddene ddinaworeya ni oyo ari ni echikhulupililo.”

Aroma 6:4

Obatizwaahu tti wonanko okhwa ni ovitthiwa vamodda ni olliyooyo wi nikhallena okumi wanaanweene, wonanko mmo Khrisitu aavenyihiweeye wa ookhwa ni masiva antitimiho na Attiitthiihu.